نفسيتي مش مستقرة بعد الانفصال وخوف من الوحدة

Question

حاليا انا منفصل بقالى عشره شهور وسايب شقتى واولادى مع امهم لغايه ما آخر طفل يكمل 15سنه وبعدين اخد شقتى بس حالتى النفسيه مش مستقره خالص اياه تكون كويسه وايام بتبقي مش تمام وده بسبب بعدى عن الاولاد وحاولت ان ارتبط معرفتش بسبب الاحوال الماديه  مش احسن حاجه مش هاتنفع افتح بيتين  البيت الاول اولادى ومصاريڤهم والبيت التانى اللى هايبقي جديد خايف جدا انى اظلم سواء اولادى او الانسانه اللى هارتبط بيها  مش عارف اعمل ايه وفى نفس الوقت لما السن بيعدي عيالى هاينشغلوا بحياتهم وانا هابقي لوحدى مش عارف اعمل ايه ومش لاقى برضه حد اتكلم معاه ومش لاقى واحده برضه مناسبه تكون راضيه بارتباطى بالاولاد ومتفهمه لده  معلهش مشاعر كتير ومتداخله

Ice Cream_63106 🇪🇬 · Accepted Answer

طب ما ده كويس انك تكون متعلق باولادك
فيها ايه لما يجيوا يقعدوا معاك في نهايه الأسبوع
ممكن بالاتفاق مع مامتهم تخليهم يجيوا اكتر ليك و تقضي وقت معاهم
امهم عمرها ما هترفض ده

Apple_66028 🇪🇬 · Answer

على فكرة انا كمان نفس مش كلتك بس على أفظع الأولاد كرهونى والبركه طبعا فى الام لأنها عايزه تسيطر عليهم وكمان  المحاكم هى المستفيدة انا حرفيا اتخرب بيتى مع المحاميين وهى واهلها كمان عاوزين يحبسونى ومش كفايه انهم خدوا الشقة دول كمان وخدين هدومي ومش عاوزين يدهانى 
بس كله سلف ودين وكمان لازم نعمل اعتراض عن قانون المرآة الظالم للراجل واللى مضيع كل حقوق الزوج وبقت موضة الطلاق بين الستات

Apple_66028 🇪🇬 · Answer

لازم من حل وفى اسرع وقت

Mango_64413 🇪🇬 · Answer

سافر يا أستاذ
عمرك ما هتعرف تعيش كويس على وضعك ده طول ما انت موجود في مصر 
اطلع كدة شم هوا واعملك قرشين حلوين هتلاقيها اتعدلت من كل النواحي إن شاء الله 
وأظن جوازك السابق ده علمك مجموعة كبيرة من الدروس 
يا ريت ما تقعش في نفس الأخطاء تاني

Orange_61792 🇪🇬 · Answer

مفيش مجال للصلح مع الزوجه؟ ،مدة ١٠ شهور انفصال مدة معقوله ان الدنيا تكون هديت و لو في زعل جايز يتنسى او تتغاضى عنه ،خصوصا انك مفتقد اولادك ،حاول جايز ربنا يصلح بينكم

Mango_65935 🇪🇬 · Answer

اسافر ازاى وحاليا انا قاعد مع امى واسيب العيال خالص كده هى فكره حلوه بس مش هاعرف اعملها للاسف

Mango_65935 🇪🇬 · Answer

صلح حقيقي مش هاقدر انسي لا الكلام ولا الافعال اللى حصلت كرامتى منعانى وهاتمنعنى انى اعمل كده

Mango_65935 🇪🇬 · Answer

فكره الارتباط بزوجه تانيه مع الظرف المادى اللى الدنيا كلها فيه وخوفى انى اظلم سواء الاولاد وهم على مشارف الدخول الى الكليات ومن بعديها ربنا يوفقهم فى الارتباط والجواز ولازم اظبطهم ماديا وبين خوفى من ظلم الزوجه التانيه وعدم قبولها للفكره ارتباطى بالاولاد دى حاجه والحاجه التانيه ممكن الارتباط بواحده ربنا مش كاتب ليها انها تخلف  مش عارف ومش لاقى ومش عارف افكر الموضوع افكار كتير متداخله ومتضاربه

Banana_65522 🇪🇬 · Answer

بقولك اي انا مقدر احساسك ومقدر ظروفك كويس هصبرك بكلام ولادك لما يكبروا هيشوفو الصح من الغلط بس انت بقي تقف علي رجلك وتخليهم يندموا انهم ضيعو انسان ذيك من ايديهم

Cherry_63750 🇪🇬 · Answer

لازم تسافر وتقف علي رجلك مافيش حل تاني