حاسة إني فاشلة جبت ملحقين في الثانوي - إزاي أتخطى؟

Question

حاسة اني فاشلة جبت ملحقين فى الثانوي ودي اول مرة تحصلي ممكن حد يفكرني فاشلة بس والله دي اول مرة تحصلي حاسة السنة دي مش عايزه تعدي ابدا حاسة ربنا بيعاقبني انا كنت شاطرة معرفش ليه، مبقتش نفسي فى اي حاجة غير ان السنة دي بس تعدي والله كل احلامي بسيطة على الرغم اني كنت شاطرة بس مكنتش بحلم بكليات قمة كنت عايزه كلية بسيطة زي تمريض مثلا كان حلمي من ٣ اعدادي كل مرة بفشل فى تحقيقة سبحان الله انا عمري ما دعيت بشئ الا وربنا استجاب معرفش لية المرة دي، للدرجة دي انا وحشة وربنا غضبان عليا 
هل حد جاب ملحقين قبل كدا وعدا منهم فى ظل النظام الجديد دا؟

Jackfruit_65540 🇪🇬 · Answer

شعورك مفهوم ومتقدر جدا 
وصدقيني دي مرحله مش هتقف عليها مستقبلك ومريت بنفس الشعور بتاع قلق الثانويه و انت مش فاشله انت شطوره جدا ويمكن كمان اشطر بكثير ف مجالات تانيه كمان و ده تعثر مش فشل وممكن ربنا بيختبرك يشوفك حتصبري ولا لا مش قصة غضب(الله إذا احب عبداً ابتلاه ولا ايه؟)
انا عندي صديق ليا كان جاب ملاحق وساندناه طبعا وكان بيمر بنفس شعورك ذاكر شويه وعمل اللي عليه كمان و دخل كلية زراعه متقلقيش

Mushroom_70421 🇪🇬 · Answer

يارب انا كمان اعدي ومش عايزه اي حاجة تانية من الدنيا

Jackfruit_65540 🇪🇬 · Answer

حتعدي والله وفاهمك جدا وانتي شاطره وكلنا واثقين وبإذن الله حتعدي وحتيجي بعدين تفتكريها وتضحكي وربنا ييسر لك الحال يارب

Banana_70418 🇪🇬 · Answer

اه رايك تتجوزي احسن

Waffle_65620 🇸🇦 · Answer

حاولي طول ما أنتي بتتنفسي

Peanut_70445 🇪🇬 · Answer

بصي انا كمان لسه مخلص برضه والله السنه دي في ظلم كبير وفي احتمال ٨٠% انك مظلومه ولكن قولي الحمدلله علي كل شيء

Mushroom_70421 🇪🇬 · Answer

الحمد لله، انا كنت براجع بعد كل امتحان وكنت متأكدة اني مش ناقصة كتير فى الاحياء اطلع الاقي نفسي شلتها!