حاجات كنت شايفها مستحيلة ربنا استجابلها

Q: ربنا كريم وهيكرمني زي كل مره.. وإن شاء الله كل حاجه هتعدي

بس انا متاكد ان كل حاجه هتعدي ان شاء الله ربنا كريم وهيكرمني زي كل مره ومحدش عارف الخير فين ممكن دا خير ليا وانا مش عارف بس انا مش بحب الحاجات المفجاءه دا ولا بحب الحورات الكتير الواحد بس مضغوط والناس بتضغطه اكتر الواحد مش عارف يلقيها منين ولا منين بس ان شاء الله ربنا هيحلها م عنده انا متاكد وكل حاجه هتمشي ان شاء الله رب الخير لا ياتي الا بالخير الحمدالله علي كل حاجه

Q: مش عارف أعمل إيه بس إن شاء الله خير

مش عارف الواحد جواه خنقه وتعب وتفكير كتير اوي لجد الفتره دي صعبه عليا اوي سواء ف شغل والدنيا مش احسن حاجه سواء ف الحاله الاجتماعيه والماده الواحد بجد مش عارف يعمل ايه بس ان شاء الله خير ان متاكد ان كل دا بيحصل ليه حكمه وان ربنا مش بيحب غير الخير حتي لو انا مش عارف ايه الخير بس انا متاكد م جوايا ان كل دا خير ومتاكد ان ربنا هيعوضني ويكرمني الفتره الجايه م حيث لا احتسب

Q: ليه أحكي مشاكلي للناس وكل واحد فاكر نفسه حكيم؟

بجد عاوز اتفاعل معاكو علي البرنامج وانزل وكدا بس مش عارف الصراحه شايف الي هو هحكي ايه يعني ماهو طبيعي كل شخص عندو مشاكل في حياتو ليه بقا اكئب في نفسي وافضل افكر في مشكله عشان انزلها والهموم هتزيد اكتر طب ماهو ربنا عارف بالي جوانا وحاسس بينا يبقا ليه بقا احكي للناس علي مشاكلي دا غير اني بلاحظ ان كل واحد علي البرنامج فاكر نفسو حكيم ويفضل يجادل كأنو فاهم كل حاجه وان مفيش في ذكائو ونضجو طبعا في فئه بيكون عندها حق بس انا بتكلم علي الاغلب يعني، فا ايه لازمتو دا كلو؟