خايفه أقدم على مدرسة ستيم ولا ثانوي؟

Question

يا جماعه انا في تالته اعدادي ومجموعي جاب ستيم عشان جبت ٢٧٨ المهم انتو في رأيك اقدم عليها ولا لأ عشان انا خايفه عشان بيقولو انها صعبه اوي وان مفيش شرح وغير كده ان كل اللي هناك متفوقين فدا هيوترني زيادهوبفكر ادخل ثانوي وخلاص ، عموما انا عاوزه ادخلها عشان المنح اللي فيها وكدا وان كلياتها عاليه وان هي كمان مدرسه داخليه وانا بحب كدا بس خايفه اسقط فيها ومنفعش ممكن اللي عارف يفيدني 🙏

Ice Cream_20764 🇪🇬 · Accepted Answer

اتعودي ف اي حاجه محتاره فيها صلي استخاره واستشيري ربنا فالخير ليكي وربنا هيقدملك اللي فيه الخير وبجانب دا حاولي تتعرفي اكتر علي المدرسه وتفهمي كل تفاصيلها ولو مثلا تسألي حد من جواها عشان يعرفك الدنيا جوا عامله ازاي لأن اكيد في حاجات م هتقدري تعرفيها من الأول كدا وشوفي هل حبيتي الوضع هناك ولا حاسه ان خلاص عام وعادي لو قدمتي فمدرسه كدا ومدرسه كدا واللي هتتقبلي فيه هو اللي هيكون خير ليكي زي ما قولتلك

Banana_59603 🇪🇬 · Answer

ربنا يوفقك

Mango_50987 🇪🇬 · Answer

نصيحه من أخ كان حابب يدخلها بس مش عرفت بسبب نص درجه بص ف كل ماده مع ان كنت جايب مجموعها هيا اه مش فيها شرح قد كدا كلها اعتماد على نفسك بس دا ميزة حلوة ليكى بعد كدا ف الكليه وكدا لان كله دلوقتى بقى self learning وبالذات ف الطب دلوقتى بقينا كدا وليها ميزات انك تدخلى طب منها بسهوله جدا  لو حابه مساعده اكتر ممكن تنزلى بوستات واساعدك برايفت

Corn_60822 🇪🇬 · Answer

خشى يا ماما الى فيها مصلحتك

Ice Cream_20764 🇪🇬 · Answer

وعامةً اللي أعرفه عنها انها محتاجه حد مسؤول وبيعرف ازاي ينظم وقته ويجتهد ويعمل اللي عليه وكذلك عام برضو بس ستيم اكتر شويه عشان داخليه ويعتبر هتبقي وحدك وانتي ما شاء الله باين من مجموعك انك مجتهده ومسؤوله ف متقلقيش من فكرة ان كل اللي فيها متفوقين عشان انتي اللهم بارك منهم ف قوي ثقتك فنفسك كدا ومتخافيش من حاجه

Watermelon_61375 🇪🇬 · Answer

انا سينيور ٢١ و لو رجع بيا الزمن هدخل تاني مش هضحك عليكي و اقولك سهله بس هي اول سنة على ما تتعودي على الوضع بعد كده كله هيسلك معاكي متقلقيش و حساها بالنسبالي احسن من عام لما دخلت الجامعه كنت فاهمه اغلب الحاجات فالاول مخدتش وقت زي الباقي و حتة الاعتماد على نفسك هتحتاجيها فالجامعه فجربي و كده كده في امتحان قبول ربنا يكتبلك اللي فيه الخير

Hazelnut_52786 🇪🇬 · Answer

لو إنتي بتحبي النظام والانضباط والمدرسة الداخلية ومتفوقة، STEm هتكون فرصة ذهبية ليكي.
آه هي صعبة، بس اللي بيمشي فيها بياخد حاجات جامدة وفرص كبيرة، والمنح مستقبل حقيقي.
لو إنتي بتحلمي بحاجة كبيرة وبتحبي التحدي، جربي وتوكلي على ربنا، بس لو مش بتحبي الضغط، فكّري تاني

Hazelnut_52786 🇪🇬 · Answer

لو قلبك رايح ناحية STEM وبتحبي فكرة إنها داخلي وكلياتها قوية، جربي وماتخليش الخوف يوقفك.
الصعوبة موجودة في أي مكان، بس الفرق إنك تذاكري بذكاء وتطلبي المساعدة وقت ما تحتاجي.
إنتي جايبة مجموع كبير، ودي أول خطوة للنجاح، خدي التحدي خطوة خطوة وهتلاقي نفسك قدها

Chocolate_61286 🇪🇬 · Answer

جربي مش هتخسري حاجه وعادي كلها تجارب

Olive_61209 🇪🇬 · Answer

استخيرى ربنا وادعى كتيييير ربنا يوجهك للصواب وينور بصيرتك