عندي حاسة سادسة بتكلمني.. حد عنده تفسير؟

Carrot_55533 🇪🇬

منذ يوم واحد

شعور لا مبالٍ

بتمشوا ورا إحساسكوا و بيطلع صح كام مره ؟؟ أنا عندي بحسه مش مجرد إحساس بحس كأنه رساله بتجيلي فجأه و كأن حد بيكلمني بيها لدرجة بعرف حاجات بدون أي تفاصيل ليها و لا أعرف عنها أي حاجه و بكتشفها زي إني كنت شغال مع إبن عمتي في محل بتاعه و مش مره مرتين و أوقات مختلفه و بيبقي شخصيات بالنسباله ثقه جدا و اكتشف إنهم بيسرقوا و بعرف أوصل للحاجه اللي بيخبوها بمجرد افكار دماغي و مره اكتشف حد نصاب قبل ما ينصب علي ابن خالتي في فلوس و ابن خالتي قالي ده صاحبي مستحيل هيعمل كدا .. المفروض كان هيجيبله إيفون من بره و الولا فعلا بعد فتره اخد الفلوس و مرجعهاش و غير وفاة أبويا قبل وفاته بأسبوع و انا ببكى عليه بالرغم إن أبويا سليم مفهوش أي مرض تعب بس قبل وفاته بيومين .... حد عنده تفسير 🙂

ليه بحس إني عارفة حد قابلته قبل كدا؟ ده إيه بجد؟

حاجه انا بصراحه مش عارفه هي عاديه ولا انا لوحدي اللي كدا هل فيه حد قبل كدا شاف او قابل حد يكون لأول مره يشوفه بس تحس انه مش غريب عنك او انك تعرفه وشوفته قبل كدا وكمان تعرف حاجات تفاصيل عنه وعن حياته حتي لو حاجه بسيطه جدا او تعرف طبعه عامل ازاي، انك عشت معاه قبل كدا وتحس ان ملامحه مألوفه بالنسبالك وانت اصلا اول مره تشوفه في حياتك ولا عمرك قابلته واتعاملت معاه في الحقيقة قبل كدا وبعد م تقصي فتره تتأكد ان الحاجات اللي انت تعرفها عنه من اللاشئ تطلع صح واغلب الحاجات اللي تعرفها عن حياته تطلع زي م انت عرفتها فأول مره تقابله. عارفين كأنه احساس بإيه ب إن الشخص ده انت قابلته في الماضي وعرفت عنه حاجات وعن حياته وطباعه وعشتوا مع بعض وقت معين والذكريات دي بتيجي في بالك لما تشوفه في الحاضر هل دي فراسه ولا دا حاجه غريبه ولا ده ايه بجد انا عارفه ان الكلام متلغبط ومش مفهوم بس بجد مش عارفه ايه ده والموضوع مريب بالنسبالي ...عرض المزيد

8 الدعم

3 نصيحة

بعرف مشاعر الناس من عينيهم رغم أني مش ببص فيهم

من الحاجات الغريبه اللي عندي اني اغلب الوقت بعرف مشاعر وحاله الشخص اللي قدامي من عينيه منغير ما يتكلم او يعبر عن الاحاسيس دي بالذات لو حد قريب مني او حد بحبه بيبقي ملاحظتي ليه اكتر بعرف إذا كان الشخص ده فرحان او زعلان وبحس بردو لو تعبان او مضغوط او متضايق، بعرف المشاعر اللي بيحسها الشخص تجاهي سواء كره او حب او مش مهتم اصلا او غيره او لو بينبسط لما يشوفني ولا لأ من مجرد نظره لعينيه حتي في لو شوفت شخص علي السوشيال والشخص ده انا متابعاه وعارفه عنه حاجات بسيطه وشوفته كذا مره مجرد م ببص في عينه في الفيديوهات بعرف مشاعر الشخص اللي في الفيديو وقتها كانت ايه فرحان ولا زعلان ولا عادي والاغرب بقا اني اصلا اغلب الوقت مش ببص في وش اللي قدامي مبعرفش احط عيني في عين حد او اطول في النظر ليه، و85 ٪ من المشاعر اللي بعرفها بتبقي صح مش عارفه هو دي حاجه عاديه كل الناس بتحسها ولا ده اي كلام ولا ايه ولا فيه حد زيي.. ...عرض المزيد

9 الدعم

5 نصيحة

أحلامي المستقبلية بتحقق بظبط.. حد عنده تفسير؟

حد حصل معاه أنه يحلم بمواقف واحداث مستقبليه وتتحقق ؟ مثال... يحلم وهو عنده 14سنين بأحداث هتحصله وهو عنده 20 أو احداث مستقبليه بعيده عامة مش ديجا فو ومش أحلام الهي عايزه تفسير حلم بتصحي بتكون فاكره ومش فاهمه في حاجات غريبه كلها احداث مستقبليه بس الغريبة أنها بتتحقق بظبط في المستقبل وبتكون عارف أي الهيحصل قبل ما يحصل أي حد عنده معلومه يا ريت يساعدني أو حد يقولي أنه بيحصله كده ...عرض المزيد

0 الدعم

8 نصيحة