تعبت من كوني "نكرة"، احساس صعب جدا، نفس احساس ان في سكينة باردة متلمة بتحاول تخترق صدرك، بتحاول بكل بطء انها تلامس قلبك وتموتك موتة بطيئة مؤلمة، وانت بتنزف قطرة قطرة من دمك. ازاي قدرت اكون "نكرة"؟ كنت طول عمري عايش في انفصام عن ذاتي، منفصل عن كل رغباتي ومشاكلي. منفصل عن رغباتي، فبقيت بسعي لحاجات مش حاببها، ومش قادر اقف مع نفسي ساعة افكر في مصيري. منفصل عن مشاكلي، وبقيت بهرب منها، من غير ما اقدر اقف دقيقة اواجهها. كل لحظة بتمر عليك وانت في الحالة دي، انت بتعزز شعور الانفصال عن الذات، بتبقي مش عارف نفسك، ونتيجة الحالة دي للأسف مبتوصلش لحاجة، وعمرك ما هتقدر تعيش في "اللحظة"، "الأن"، أو "النهاردة"، لانك دايما بتبقي حاسس انك محبوس جوا جسد مش بتاعك، شايف كل حاجة بتحصل قدامك، بس انت عاجز انك تغير اي حاجة. كان نفسي ابقي اي حاجة بس مبقاش "نكرة".

4

5