يا ناس ياعالم انا تعبت ! وصلت لمرحلة لامبالاة خطيرة 😩 كما يعرف الكل انه احنا الحين في فتره إختبارات ولازم نذاكر ونستعد للاختبارات . لكن انا بكل بساطة مب مهتم 🫠 المشكلة انها اخر سنه لي في المدرسة ، سنه تحدد مصيري كما يقول الكل 🫠🫠 والمشكلة الاكبر انه عندي 8 مواد دسمه وصعبة تحتاج ايام للدراسة ، وتبقى 14 يوم فقط على بدا الامتحانات 🫤 كل ما امسك الكتاب أشعر بملل فضيع ، ويتشتت تركيزي بشكل سريع 😐 السنه الماضيه كنت على نفس الوضع 😑 لكن فيه فرق واحد ☝️ وهو اني كنت قادر على مذاكرة المواد بالكامل في وقت جدا قصير ، وكان استيعابي للمواد اكبر بكثير 🤓 صحيح اني مب اهتم لشرك المعلم ولا اذاكر طول السنة الدراسة إلا قبل الاختبارات النهائية باسبوعين ، لكن كنت اجيب درجات عالية بالمقارنة بالجهد الصغير الي ابذلة 😎 اما الان فقدت هذي الميزة 🥲 فأيش الحل ؟ احتاج ان اعيد ضميري الدراسي للحياة ( على الاقل لمدة شهر واحد ☹️ ) انا مستعد اقرأ رواية من 300 صفحة في يوم واحد ، لكن ما مستعد أقرأ ربع كتاب مدرسي على مدار اليوم😞 المشكلة انه عدم المبالاة عندي توصل لدرجة اني ممكن اروح للاختبارات وانا ما ذاكرت شي من الكتاب 😤 وصارت كثير وبالذات مع أسوى مادة لي وهي الانجليزي 😫 درجاتي سيئة جدا فيها ومع ذالك اروح للاختبار وانا ماذاكرت شي ابدا بالمعنى الحرفي 😣

6

0