تعبت من الكلية ومش قادرة أكمل - نفسيتي ضاعت

Question

مخلصه ثانويه من سنتين وجبت مجموع مش حلو ولا قد مجهودي وقولت الحمد لله دخلت كليه مكنتش اتخيل اني ادخلها بكرهها وبكره كل حاجه فيها ومش قادره اتأقلم ومش قادره اذاكر فيها وشلت مواد وبقول لنفسي اني مكنتش كدا وطول  عمري شاطرة بس غصب عني بعيط كل يوم وعايزه احول منها بس مش قدامي غير خاص بس الظروف حاليا متسمحش وحقيقي انا تعبت نفسيا من الكليه دي ومش قادره اكمل فيها

Potato_20840 🇮🇶 · Accepted Answer

🫂🫂يا حبيبتي
اللله سبحانه وتعالى يقول النه وعسى ان تكرهوا شيئا وهو خير لكم صدق الله العظيم
اتأملي الايه كدة حتلئيها شبهك اوي انتِ حاليا في مكان بتكرهي ومطايئه وجودك فيه لكن حكمة ربنا دايما موجوده ربنا اختارك لتكوني في ده المكان لسبب وانا متأكدة حيكون انطلاق لنجاحك في المستقبل حيسألوكي وحتقولين انا بديت في مكان محبوش لكن بفضل الله وصلت لكدا
صدقيني حياتنه دي كله متساوش شي بدون الرضا ارضي بما قسمهُ ربنا

Chocolate_20870 🇪🇬 · Answer

🤍🤍

Pineapple_20884 🇪🇬 · Answer

كنت زيك كده من كام سنه دخلت كليه مكنتش بحبها خالص وكنت بدعي ربنا انها متكونش من نصيبي بس حصل اني دخلتها وبقي أمر واقع حاولت اقدم ف كليات خاصه بس محصلش نصيب بس مع الوقت كنت بفضل اقول ربنا ليه حكمه ف اللي حصل واكيد هيعوضني حاولي تخلي ثقتك في ربنا كبيره وصدقني رب الخير لا يأتي الا بالخير و ع فكره الجامعه مش اخر حاجه الواحد يقدر يثبت نفسه ف اي مجال وان شاء الله خير

Chocolate_20870 🇪🇬 · Answer

🤍🤍

Ice Cream_20924 🇪🇬 · Answer

فكرى ان الكليه دى حتى لو مش بتحبيها هتعلمك حاجه تضيف ليكى حاجه وفكرى فى نقطه انه عادى انك تشيلى مواد لان ده مكان جديد مختلف عن هدفك اتحط قدامك ومحتاجه تتعاملى معاه فا طبيعى تاخدى وقتك فيه خدى وقتك وحطى قدامك ان الكليه هتعلمك حاجه جديده ومعلومات مكنتش هتتعلميها علشان انتى مش بتحبى الحاجه الى بدرسها الكليه دى وفى نفس الوقت ممكن تتعلمى مع الكليه حاجه كنتى حباه تدرسيها

Chocolate_20870 🇪🇬 · Answer

🤍🤍