أنا تعبت من التمثيل. تعبت أظهر قوي، وأنا من جوّا مليان وجع. كل مرة أفتكر إن شغلي هيقدّرني، ألاقي نفسي باتراجع خطوة. كل مرة أقول "المرّة الجاية هيشوفوا تعبي"، ألاقيهم بيـdowngrade me ويقللوا مني قدام الكل. أنا مش شخص سلبي، بس لما كل اللي حواليّ يقللوا منّي، طبيعي أبدأ أشك في نفسي. أنا كنت فاكر إني شاطر، وكنت فخور إن عندي طموح... بس الطموح وسط ناس مش بتؤمن بيك، بيبقى عبء. اللي بيكسر أكتر مش الشغل، اللي بيكسر إنك تحس إنك اتعلمت تتملّق علشان تعيش، وإنك تتكلم أقل علشان ما يتاخدش عليك كلام، وإنك تشتغل زيادة علشان تثبت لنفسك إنك تستحق فرصة مش عايزين يدوهالك. أنا مش ندمان إني اجتهدت. بس ندمان إني فضلت ساكت وقت ما كنت محتاج أتكلم. وده آخر مرّة هسكت. من هنا ورايح، مش هسمح لحد يحدد قيمتي. أنا هو أنا... حتى لو الكل شايفني أقل. وأنا داخل أي إنترفيو، مش هكون عايز أثبتلهم أنا قد إيه جامد. أنا هكون بس نفسي… وده كفاية.

1

2