إزاي تخرج من الضلمه وتتعافي من المرض النفسي؟

Donut_73687 🇩🇪

منذ 4 أسابيع

شعور مكسور القلب

بتقدروا تخرجو إزاي من خيبة حصلت ف حياتكم وطريق مشيتو فيه وطلع أخره ضلمه وتعبكم ، بتعملو ايه لما بتخسرو استقراركم النفسي والمعيشي وحياتكم تتبهدل وتتلغبط بتتخطو إزاي تأثير المرض النفسي اللي سبيه شخص دخل حياتكم وخرج بتبدأو تآني إزاي ومنين وبتتعافو إزاى 💔

مش هتجوز غير حد سوي نفسيا.. يارب أوعدني بزوج صالح ❤️

مش هتجوز غير حد سوي نفسيا.. كل رفضي لمشاريع العرسان اللي بتتقدملي عشان مش لاقية نفسي والله! انا مش عاوزة اي حد وخلاص و ولا عاوزة حد يكون عاوز اي عروسة و خلاص. محتاجة حد محتاج حد.. محتاج يلاقيني عشان ننفذ خططتنا و مشاريعنا سوا. محتاجة اتجوز عشان ابقاله ماما و حبيبة و صاحبة.. حد ابقا فخورة وانا باخد رأيه ف حاجة تخصني وانا عارفة مليون المية انه فخور ب انجازاتي.. حد شايفني ف المراية.. حد بيقاسمني يومه حب مش إجبار عشان مجرد انا اللي معاه فالسفينة. حد مهما نكبر حبنا بس هو اللي بيكبر و لسة شايفني زي مانا اللي جيه قرا معاها الفاتحة و قال امين وهو بيبتسملها.. حد ابقا مبسوطة وانا بقول ل ميس أولادي : طيب هقول لباباهم وارجعلك.. حد ابقا عارفة اني كل ما هقع الاقيه مادد ايديه ومبتسم على عبطي اني فاكرة هقع وهو موجود.. حد ميهونش عليه زعلي حتى لو على هبل.. بيصالحني وهو عارف ان دا مبيقللش من رجولته بل بالعكس بيعليه.. و متأكدة اني هلاقيه ❤️ يارب اوعدني بزوج صالح 🥹❤️❤️ ...عرض المزيد

10 الدعم

2 نصيحة

خايفة ما اتجوزش والوقت بيجري.. عندي 25 سنة وعايشة في قلق

انا مشكلتي انا خايفة ماتجوزش خايفة مالاقييش الاستقرار ال نفسي فيه وخايفة العمر يجري بيا واضطر بعدين أقبل بحد مش عاجبني انا عندي 25 سنة لسه شغلي من البيت ومش بخرج الا لو في حاجة.. خروجة مع اصحابي. او زيارة لقرايبنا كل فين وفين او اشتري طلبات للبيت أماكن محدودة جدا مع ناس معروفة بالنسبالي كل الناس لفتت نظري للحتة دي ان انتي عايزة حد يشوفك ويعجب بيكي وانتي مش بتخرجي كلامهم منطقي بس مش بيتقدم حد مناسب ولا في مجال ان حد يشوفني طب اعمل ايه؟ معظم الناس ال حواليا برده عندهم مشكله ياما ب بيتجوزوا حد عارفينه من قبل الجواز او بيبقبلوا باشخاص هما مش مبسوطين معاهم ومش شبههم عريس والسلام يعني.. ياما فعلا قاعدين ومفيش حد حتي زمان من كام سنة كان في ولاد بتعجب بيا وفعلا ارتبط بشخص واتخطبنا وانا ف الجامعة بس ماكملناش دلوقتي مفيش حد بيعجب بيا ولا في شخص مناسب بيتقدم ومناسب دي اقصد بيها يعني يكون متعلم كويس او عنده عيشة كويسة مش بتشرط يعني لدرجة ان جالي احساس ان اهلي مش بيقولولي علي الاشخاص الكويسة ال بتتقدم وبيقولولي بس علي ال مش مناسبين..ساعات بيحيلي الاحساس دا وساعات بحس لا دا اكيد وهم لاني كنت مخطوبة سنتين وماجهزونيش خالص بأي حاجة ومره جه حد كويس قعدوا يقنعوني ان لا ماوافقش عشان اسلوب ابوه في المكالمة مكنش عاجبهم انه بيتكلم عن الفلوس زيادة (فهموها مغرور يعني او بيتمنظر بفلوسه) والشخص ال اتخطبتله كان بطلوع الروح ولما لقوني موافقة اتقالي ب اللفظ طب شوفي مين بقي هيجهزك عايزة احس اني زي البنات مرغوب فيا من شخص عاجبني.. وبدعي دايما ف الصلاة وبقرا قران قد مابقدر وبحاول طول الوقت ماعملش حاجة غلط واحافظ علي نفسي ومشاعري للانسان ال هيبقي زوجي بس شايفة في المحيط الي انا فيه بنات كتير فوق الي 30 من غير جواز وبنات كتير متحوزين جوازات مش شبههم ...عرض المزيد

4 الدعم

18 نصيحة