بتألم من خيانة زوجي وحب عمري. حياتي واقفه

Question

الفتره دي بمر بتجربه صعبه بنفصل ع زوجي وحب عمري بسبب خيانته ليا اكتشفت انه عارف واحده وبيتكلموا وتعرف كل حاجه عن حياتنا ومش عايز يبعد عنه بحجه ان ال ما بينهم شغل اتكلمت معاها ومن وقتها وانا منهاره حاسه بالغدر كان حد ضربك بسكينه من ظهرك مش قادره اخرج كلامها من دماغي مش استوعب انه قدر يعمل فيا كده أنا من وقتها حياتي واقفه بحاول اعمل كل حاجه عشان اليوم يعدي مش بيعدي حاسه اني بموت او نفسي اخلص من الوجع ده مش قادره استحمله

Onion_78230 🇪🇬 · Accepted Answer

اول بعتذر لك عن الشعور اللي بتمر بيه ثانيا حاولي تبعدي فتره وليكن في بيت اهلك بحيث تكوني بعيده عن الضغوط وتقدري تفكري بطريقه اخرى وحاولي تفتكري المواقف السعيده والمواقف العمل حاجات حلوه عشانك وعشان يبسطك ويخليك سعيده ساعتها ممكن وجهه نظرك تختلف وتشوفي الموضوع بوجهه نظر اخرى ممكن تشوفي نفسك مقصره او اهملتي او هو عنده اسبابه اللي خلته يعمل كده انا مش ببرر الخيانه بس بحاول اوجهك لاتخاذ القرار الصح

Strawberry_78564 🇪🇬 · Answer

اللي يخون مره يخون 1000 مره بس مش معنى انك تنفصلي عنه عشان خاطري في بيتك انت ممكن تاخذي تحطي شروطك ولو هو بيحبك هيحاول يتمسك بيكي ولو هو ما عملش كده يبقى هو ما يستاهلكيش وحاولي تخرجي نفسك حاولي تحبي نفسك عشان ممكن يحصل لك حاجه من الزعل هو ما يستاهلش ان انتي تزعلي عليه خالص

Marshmallow_78824 🇪🇬 · Answer

سيبيه وابدأي حياه جديده يمكن تلاقي شخص يحبك اكتر ويقدرك اكتر

Mango_74700 🇪🇬 · Answer

اتطلقي

Nutella_70155 🇪🇬 · Answer

خلي بالك من بيتك وحاولي تحافظي عليه ، دي وحده سرقت جوزك منك باسلوبها وطريقتها حرام تخربي بيتك عشان خاطرها لازم تعرفي انتي كنتي مقصره في ايه وتصلحيه وتفضلي مع جوزك خراب البيوت مش بالساهل

Avocado_65325 🇪🇬 · Answer

يعني هو جه لحد بيتك واتقدم ليكي وليتني موافقتك وجاب دهب وعملك فرح واخدك قدام الدينا كلها انك تشيلي اسمه ويتانمك علي نفسه وربنا رزقكم بأولاد وعيشوتم علي المرة قبل الحلوة وترجعي تقارني نفسك بنزوة مجرد وقت مسيرها هاتخلص انا معاكي أن شعور الخيانة شئ بشع وقاسي بس انا بكلمك بلغة العقل والمنطق ماتسبيش ليها الفرصة تنغدفذ اللي هي عايزاه رجعي السبب اللي خلها يبص بره وربنا يصلح حالنا وحالكم

Banana_78486 🇪🇬 · Answer

نصيب

Banana_68754 🇪🇬 · Answer

طبعاً كل الستات لا تنسى ادق الأشياء والطلاق هيهد البيت فهل هو ندم على هذه الفعله وليه عملها يعنى انتى مش قريبه منه لدرجه ان فى واحده اخرى قدرت تعطى له ودن غير موجوده عندك واى راجل وأنا منهم ان لم يكن صريح ويحكى كل شئ لزوجته ووجد إهمال حيحاول يجد ما يغطى هذا النقص اعلم انك تستطيعى  ان تغفرى وتتناسى ولكن لا بد ان يعلم خطائه وصفحه جديده  وكونى مستمعه جيده حتى لأتفه الأشياء الرجال أطفال بالتوفيق