تجربتي مع بنت تعرفت عليها من جروبات الزواج وموقفها الغريب

Banana_70447 🇪🇬

منذ أسبوعين

شعور محبط

💔💔😓 !! انا اتعرفت علي بنت من خلال والدتها ع السوشيال ميديا او بمعني ادق ما يعرف بجروبات الزواج جت قدامي قولت جايز تكون طريقه او فرصه كويسه تعرف من خلالها تلاقي اللي انا مش عارف الاقيه ف الواقع المهم اتعرفت ع والدتها وع البنت وروحت اقابلهم اول مره بره البيت البنت ووالدتها وبصراحه انا اول م شوفت والدتها قفلت وقلقت للبنت تكون واخده من والدتها واقفل منها لكن اللي حصل اني لما اتعاملت مع والدتها اليوم ده غيرت فكرتي عنها تمام عن اول م شوفتها اما البنت ولاول م عيني جت عليها لاقيتي عايز افضل ابصلها ومنزلش عيني من عليها مع انها مفيهاش الحاجات اللي كنت بدور عليها بنسبه كبيره لكن كان ليها عندي قبول وارتياح وبعدها قررت اروح البيت واتعرف عليهم واتفق اني اتقدم اتفاجئت بموقف غريب من البنت وانها طالعه مش طايقه نفسها وزعلانه ومتكلمتش طول القعده المهم هلصت القعده ومشيت بعدها بكام يوم مش كتير لاقيتها باعته وعايزه الرد المهم كلمه مني ع كلمه منها قولت لا بعد م شوفت مقابلتها وخصوصا انها عرفاني قبل م ادخل البيت وحددوا ميعاد زيارتي ف ازاي الاقي فعل زي ده المهم قفلت الموضوع وخلاص واستعوضت ربنا وقولت مش خير ليا وخلاص مع ان جوايا حابب ان الموضوع يكمل او ع الاقل ندي لبعض فرصه لكن اللي حصل بقي …بعدها بفتره رجعنا نتكلم تاني واتقابلت انا والبنت مره تانيه قولت يمكن اما نقعد مع بعض تكون براحتها اكتر لكن لوحدنا وبمعرفه والدتها وااتكلمنا فتره كمان واتقابلنا ثالث مره بناء علي طلبها بمعرفه والدتها بردو وبعدها اتكلمنا شويه وهي اللي قالت لا مننفعش لبعض قولتلها تمام مفيش مشكله كل ده بيتم وانا جوايا مش عايز الموضوع ينتهي ولا يخلص بس قولت مهما يحصل اختيار وترتيب ربنا هو الخير لينا واتقفل الكلام بعدها بفتره رجعت تتكلم تاني وانا كل مره ادي فرصه يكون كلام م بينا بس بقي بدات بشعورين عندي اني مرتحش ف علاقتنا ببعض من ناحيه تانيه مش عايز الموضوع ينتهي لاني خلال المراحل او الفتره دي كلها كنت بتعامل بمشاعر حقيقيه صادقه وبوضوح تام بطريقه مكنتش اتخيل اني ممكن اتعامل بيها مع حد ومع ذلك كل ده متقدرش ولا اتشاف مني خالص وبقي كلامها اننا نبقي اصدقاء قولتلها لا معتقدش انه ينفع لو العكس كان ممكن انما بعد اعجاب وارتياح من ناحيتي ومعاملتي ليكي باعتبار انك تكوني شريكه حياتي هيكون صعب عليا ومش هعرف اعمل ده لان كل مشاعري ناحيتك انك تكوني شريكه حياه مش صداقه مؤخرا بقي بدانا نتكلم باسلوب مش كويس احيانا مني والاغلب منها وبدات تفهم كلامي كله غلط وتقولي انا بتعامل عادي معاك ومفيش بينا حاجه اصلا بعد م كانت بتقولي انها مرتاحه وقابلاني وكنت بحس انها حباني بصراحه لانها تقبلت كل اللي قولتهولها عن حياتي قبل م اعرفها … معرفش بصراحه ده يبقي ايه العيب مني ولا منها ولا الصح ايه ف ظروف زي دي !؟!

صحبتى بتكلم الولد اللى معجبه بيه.. مش عارفه اعمل ايه

كنت عايزه احكى حاجه لأنها شاغله بالى حابه اعرف رأى الناس فيها مبدأيا عارفه أنه ممكن ابان لناس أنه أنا تافهه و كده بس ده سنى و دى الحاجات إلى بتغشل بالى هبداء عموما اتعرفنا أنا و اتنين صحابى تانين على بنت هى بتدى درس فى ماده ما هى مش كبيره فى السن اوى بس هى عموما بتدى دروس يعنى المهم فا حبينا نروح و كده يعنى هى عندها مبداء صداقه ما بين ولد و بنت عادى أو كلام بردك معندهاش مانع عموما نسبنا من ده مش مهم بس يعنى لازم أقوله المهم روحنا احنا التلاته فى من صحابى واحده من زمااان اوى صحبتى و واحده بقالنا شهور يعنى لسه مكملتش علاقتنا الشهر بس هى مقربه من يعنى المهم فا روحنا عادى و كنت قاعده فى ولدين فى الدرس فى ولد منهم بقى هو احنا مجموعه صغيره خالص عموما خلصنا الدرس و نزلنا راحو صحابى قالولى أنه فى ولد منهم كان مركز معايا اوى و قالولى عشان أنا طلبت اتكلم فى الموبايل أنه ساعتها علق على صوتى فا المهم أنا اصلا الولد ده معانا فى دروس تانيه بس انا عمرى ما كنت اخدت بالى منه قبل كده بس لما روحت الدرس ده بالنسبه أنه عددنا قليل طبيعى انى اخد بالى منه المهم فا عدت الايام و عادى يعنى و بدأت اعجب بيه و اعجب بيه المهم فا يوم كنت جيت و أنا كنت تعبانه و معلقه محاليل كنت كويسه بس اكلت حاجه مسكره و ده خلانى اتعب و ساعتها فضلت اعيط كتير عشان كنت مضغوطه بسبب مشاكل المهم هو كان عمال يقول نزلوها الصيدليه طب اقوم انزلها أنا انتو خمسه سته و مش قادرين تنزلوها اقوم انزلها و فضل يقولها كتير كان فى واحده من صحابى الاتنين كانت بتضحك دى إلى بقالنا شهور صحاب زعقلها و قالها اقعدى هنا و متخرجلهاش تانى المهم لما قدرت شويه و نزلت الصيدليه هو نزل ورايا يعنى و كان واقف برا و طلعت و هو جابلى كرسى و قعدت و كده مع أنه فى بنت جابتلى كرسى بس هو جابلى واحده مريح اكتر المهم هقول حاجه كمان أنه صحبتى دى كانت مرتبطه بواحد فا هى كانت بنحكى و تتكلم عنه هو كان بيقولها عادى عايزه ترجعيله و مكنش يعنى بيدى رده فعل غريبه غير أنه هى بردك عيطت قبل كده و هو مسألش حتى فيها ايه المهم عدت الشهور و فى يوم صحبتى دى راحت الدرس ده لوحدها فا بعدها تانى يوم حسيت فى حاجه غريبه و قعدت اسألها و هى مقالتش و اتخنقنا المهم تانى يوم اتكلمت معاها بهدوء و قولتلها أنه فى حاجه بينها و بين الولد إلى معجبه بيه و كده قالتلى لا (هى عارفه انى معجبه بيه ) بعد كده روحتلها البيت بعدها هى قالت و بعد كده قولتلها تانى انتى مخبيه ايه عليا قالتلى هو انتى مصممه نخسر بعض قولتلها قولى فا قالتلى أنه الميس بتاعتنا دى كلمتها أنه الولد إلى أنا معجبه بيه معجب بيها و عايز يكلمها و كل ده و هى اصلا يعنى بقالها يوم تقريبا او يومين ليه سايبه إلى كانت مرتبطه بيه المهم حكتلى كل حاجه و قالتلى لو مش عايزانى أكلمه عادى (بعدها ورتنى الشات و كانوا اتكلموا اصلا طول الليل) المهم أنا قولتلها لا عادى و مفيهاش حاجه و أنا قولت بين نفسى أنه عادى خلاص الفكره أنه مش حابه اخسر صحبتى عشان ولد يعنى و كمان عارفه أنه اكيد يعنى لما اقولها هتقولى ماشى و هتكلمه من ورايا أصله أنا عارفه صحبتى و هتتكلم و هتفكر أنه بقى عشان أنا احلى و البتنجان ده وانا والله ما دى طريقه تفكيرى المهم اليوم ده كان علينا حصه عند الميس دى بليل أنا لما روحت الحصه اضايقت أنا مش مضايقه من الولد لانه عادى خلاص مع انى كنت شايفه طريقه اهتمامه بيا و مش أنا إلى حواليا و إلى منها صحبتى بس عادى يعنى ولد و بيتروشن و خلاص بس الفكره فى صحبتى وانا قررت بعد الحصه دى مروحش يعنى و كده بس روحت بعدها تانى عشان الميس كانت بتسألنى عن السبب غير انهم عرفوا أنه كنت معجبه بيه هى بتقول هو معرفش و انها مقالتش بس هما طلعوا عارفين قولتلها ازاى قالتلى لما كنتى تعبانه و نزلنا نجيب حاجات قالو أنه انتى قولتى و أنا مقولتش حاجه المهم عدت الايام و أنا شايفه نفسى مش عارفه انساه بقيت بغيب كتير و مبقتش اروح عشان صحبتى و عشان نفسى أنا كمان المهم أنه صحبتى دى بقت تنزل من غيرنا مع البنات إلى معانا و كمان الميس الميس عادى بتنزل المهم لما كنا بنيجى نقولها أنا وصحبتى التانيه تقول أصله عشان هو معاهم المهم امبارح اتجمعوا (بنات بس) من غير ما تقول ليا أنا و صحبتى و لا اى حاجه الفكره انى أنا كنت بتعمد انى اعامل صحبتى احسن من الاول بعد ما بدأت تكلم الولد ده بس انا فعليا فى نقطه كده من جوا اوى من ناحيتها حساها كسرتنى مش عارفه اعمل ايه بقى ...عرض المزيد

4 الدعم

1 نصيحة

محتار أطلب حقي من صاحبي ولا أسامح؟

أنا بشتغل في التسويق الإلكتروني في مجال معين في حد من صحابي القريبين مني حاله كان من حالي وربنا فتح عليه وغير مجال شغله والدنيا بقت معاه احسن ، الله يباركله ويزيده من نعيم الله وفضله ، صاحبي ده قصدني في خدمه ، عملتها على أكمل وجه ، المفروض أنا ليه مبلغ من المال عنده مقابل الشغل ده ، أنا محرج اطلبه منه ، وهو مطنش او عامل مش واخد باله او ناسي الله اعلم مش عارف ، وكلنا بنسعى وبنجري عشان نوفر لنفسنا حياه افضل اطلب منه حقي ولا خدمه لصاحبي وخلاص ...عرض المزيد

9 الدعم

8 نصيحة

هل في حاجه تخلي البنت اللي بحبها تحبني؟

هل في حاجه ممكن معينه تخلي البنت اللي بحبها تحبني ولا مفيش الكلام ده يعني أفعال معينه تغيير في شخصيتي اي حاجه ولا اصلا المبدأ ده غلط؟ مع العلم اني عملت كل حاجه علشان تحبني وبرضو حاسس اني فشلت اهتمام وهدايا وكل حاجه حرفيا بس هي برضو شيفاني صديق مش اكتر هل انسى الموضوع ولا افضل طول الوقت منتظر ولا في حل غيرهم ولا اي؟ ...عرض المزيد

0 الدعم

11 نصيحة