هبدا من الاول من سنة 2020 كنت في المدرسه و كنت اعرف شله بنات كانو تلاته مش عايزه ادخل في تفاصيل بس اتعرفت عليهم في 2021 و بقينا شله احنا الاربعه و كنا بنحب بعض اوي و كنا مشهورين في المدرسه و كانو المدرسين بيحبونا اوي عشان كنا شطار ، الملخص هما دخلوني معاهم في سكه وحشه و سجاير و كدا و انا لحقت نفسي قبل ما اتعمق اكتر و حصل مشكله كبيره في 2023 بدايتها و سيبنا بعض و كل واحد راح لحياته مبقيناش شله تاني و بعيدنا عن بعض اتنين راحو في حياتهم و تابو و بعدو عن بعض. وكل واحده بقا ليها صحاب و انا و التانيه بقينا بيست فريند لحد دلوقتي بس هي طريقتها حاليا بقت وحشه اوي اوي كنت في علاقه محرمه مع ولد"انا بقولها بس المعلومه" اما الولد احنا بعدنا من زمان عشان عرفت انه حرام المهم انا كنت بحكيله عن البيست بتاعتي و قد اي هي بقت تصرفها وحش معايا وبقت بجحه و مبقتش احب تصرفاتها قالي انتي عبيطه ؟ رايحه تصاحبي واحده من نفس الشله الي ضيعتك!!!! و قعد يزعقلي و قالي دي تبعدي عنها و قولتلو لا و متتكلمش عن صحبتي كدا و عملتلو بلوك ساعتها و كانت خناقه *بس هو طلع صح في الاخر هو كان معاه حق هي دلوقتي بعدت و مبقتش زي الاول حصل بينا خناقات كتير اوي .. بسبب اني عايزه ارجع لديننا تاني و نتوب و اقولها يلا ايدي في ايدك و بلاش اغاني ولا اي حاجه حرام تاني و بتقولي لا مش عايزه براحتي!!! انا : امسحي في اغاني و ميوزيك يا خيبتي يا خيبتيي امسحي احنا مش عايزين نخيب تاني و دا صحبتي : عارفه انا : ماشي كلنا عارفين امسحي بقا صحبتي : لا مش عايزه امسحهم صحبتي دي يا جماعه وثقت فيها اكلتها من اكلي عرفتها علي عيلتي و امي و دخلتها بيتي اديتها من فلوسي ! كنا بننام و نصحي و ماكل و نلعب و نتكلم مع بعض وحبيتها كانها اختي في المدرسه عارفين اننا اخوات مش صحاب! حقيقي تعبت منخا و من تصرفاتها... في مره قولتلها يا ** انا حاسه انك بقيتي بعيده عني الفتره دي !! قالتلي لو شايفاني اني بعيده عنك قربيني انتي انا من الصدمه مردتش عليها!! حصل مشكله بيني و بين ماما في البيت و علاقتنا اتوترت اوي و مش عارفه ارجع انا و ماما نكون صحاب زي الاول تاني. و الوحيد الي بكلمه بس بابا و اخواتي ماما مش بنتكلم ، مع اني اجتماعيه اوي و اعرف ناس بعدد شعر راسي بس معنديش حد قريب زي صحبتي دي بعيده عن صلاتي بعيده عن ربنا .. وحقيقي تعبت محتاجه حد يفهمني الي بيحصل معايا دا حياتي كلها واقفه! عارفه طولت و القصه طولت اوي بس حقيقي ما صدقت لقيت برنامج زي دا و لقيت ناس زيكم تعديل بسيط . مش عايزه حد يلومني علي افعالي زمان او افعالي من القصه دي . انا بس محتاجه نصيحه بس

6

5