مش عايز أحزن.. عايز أعمل شيفت ديليت لكل المواقف

Coffee_73838 🇪🇬

منذ 5 أيام

شعور مكتئب

بتعملوا ايه ف عدم القدرة علي تجاوز الحزن الناتج عن علاقة كنت حاسس أنك كنت متساق ومستغل وكان بيتم التعامل معاك ع أنك مش فاهم حاجة ، مواقف بتيجي ع بالي غصب عني وبعيش الحزن كأن لسه الموقف حاصل وممكن قلبي يوجعني أو وشي ينمل أو نفسي يضيق ، أنا فعلا عايز أتجاوز بس هيا الأفكار والمواقف بتيجي في دماغي مره واحدة كأنها مشاهد في فيلم أنا مش عايز أحزن أنا عايز فعلا أعمل شيفت ديليت أنتر لكل المواقف المؤذية وعايز أفرمت نفسي وأسطب برامج تانيه بعقلي ونفسيتي .

اتخدعت في كل حد حبيته وصحابي استغلويا

اتخدعت في اقرب صحاب ليا و كنت بحبهم جدا و مقدرش ابعد عنهم و كنا علي طول مع بعض و هما بصراحة كانوا بيعملوا حاجات تبين قد ايه هما مش سالكين بس انا اللي كنت مغفلة و بطنش عشان بحبهم كانت مامتي مش بتحبهم وانا كنت بفضل اتخانق معاها و اقولها متتكلميش عنهم كده دول صحابي و بحبهم و مش بحب حد يتكلم علي حد بحبه وحش. و كانوا هما السبب بردو في اني طول الفترة اللي كنت صحبتهم فيها كنت بعيدة عن اهلي جدا و مش بحكيلهم اي حاجة عن يومي او عن صحابي و واحدة واحدة بقيت احس انهم مختلفين بيخرجوا مع بعض كتير من غيري عندهم اسرار مع بعض مش بيقولولي عليها بيتريقوا عليا ساعات و كانوا رغم كل ده يفضلوا يفهموني ان انا صحبتهم جدا و هما بيحبوني اوي و هما كانوا مع اول حد جديد يقربوا منه بيبعدوا عني و مش بيفتكروني غير لما الشخص ده يكون مش موجود و كانوا بيخلوني معاهم بس للاحتياط عشان انا شاطرة في الدراسة فكانوا بيستغلوني في الامتحانات مع اني مكنتش بحب اغشش حد بس هما كانوا بيستغلوا اني مش بقدر اقولهم لأ و بتكسف و كانوا ساعات تانية بيستغلوني ماديا ده غير اني كنت في حاجات كتير اوي بحبها و مش بقولهم اني بحبها عشان زوقي مختلف عن زوقهم و خفت يتريقوا عليا و فضلت فترة كان في بنت مش بحبها كلهم صاحبوها و بقوا يخلوها تخرج معانا وانا عشان مكانش عندي صحاب تانيين كنت بضطر اقعد معاهم و مع البنت دي و كانوا بيحسسوني ان هم اللي شلة مع بعض وانا اللي غريبة و كانت ساعات البنت دي تتريق عليا و كلهم بيسكتوا مع ان لو حد كان بيتكلم عليهم وحش انا مكنتش بسكت و مرت الايام و البنت دي طلعت شخصية زبالة و غدرت بيهم كلهم ساعتها رجعولي بعدها بسنتين واحدة منهم اللي هي كانت اكتر واحدة بتستغلني فيهم اتعرفت علي بنت في المدرسة و كانت دايما معاها مع ان المفروض يعني انا كنت الbest friend بتاعتها بس كانت طول ما احنا في المدرسة كأنها متعرفنيش و حتي لو رحت اتكلم معاها تتخانق معايا و بعدها في الدروس عشان صحبتها دي مكنتش معانا كانت ترجع تتعامل معايا عادي و انها قد ايه بتحبني و بتموت فيا و هكذا كل يوم و انا فضلت فترة مكتئبة بسبب الحوار ده لحد ما اتعرفت علي بنات تانيين و كانوا بجد زي العسل و اكتشفت اصلا انهم في الاول مكانوش بيحبوني مش عشان انا عملتهم حاجة او عشان انا شخص وحش انما عشان انا كنت صاحبة البنت دي و انهم لما اتعاملوا معايا طلعت كويسة و فضلوا يقولوا انهم قد ايه مستغربين ان انا ازاي مصحباها و مع الوقت بدأت فعلا ان انا افوق لنفسي و اشوف القرف اللي هي بتعمله و حتي لما قطعت معاها و مع واحدة تانية من الشلة محدش فيهم فكر حتي انه يسأل عليا او يشوف بطلت اتكلم ليه او اي حاجة هما بس لقوا ان انا مش ببدأ كلام فخلاص بقي ما صدقوا و طبعا كان بيوصلي كلام بعدها بسنين حتي انهم بيتكلموا عليا و بيجيبوا في سيرتي و بيتريقوا عليا بس هو لو الواحد طبعه زبالة مش هنقدر نغيره و فضلت بعدها فترة طويلة معنديش صحاب و بخاف اعمل صحاب عشان مش عايزة اعيش نفس التجربة تاني و حتي لما عملت صحاب مبقتش بثق فيهم و متمسكة بيهم زي ما كنت بعمل قبل كده و بقيت عادي جدا ممكن استغني عن اي حد ودمروا ثقتي في نفسي و في الناس و سبحان الله الناس اللي كنت خايفة اقطع علاقتي بيهم مع انهم toxic بس لمجرد اني خايفة ميبقاش عندي صحاب بعدهم بقي عندي صحاب احسن منهم مليون مرة و سبحان الله كمان البنت دي كل صحابها بعدوا عنها دلوقتي و مبقاش عندها صحاب ...عرض المزيد

14 الدعم

4 نصيحة

حب عمري مش ليا ومش قادرة اتخطى

حبيت واحد ١٠ سنين و محبنيش بس كان متعلق بيا. كنا قريبين اوي و بنشارك مع بعض كل تفاصيل يومنا و بنخرج كل يوم و نتقابل من اول اليوم لاخره وهو خطب وانا مليش عين اتكلم و بعدت من سكات مع ان هو كان عايزنا نفضل قريبين زي ما احنا حته بعد ما خطب بس انا بعدت وبموت و بتقطع على حب عمري اللي كان نفسي بعد الصبر والدعا ده يكون ليا مش لوحده تانية ومش عارفه اهرب من ذكرياتنا اللي ف كل مكان حواليا و هو كان كل حاجه مش بعمل حاجه من اول ما اصحي لحد ما انام غير اني بكلمه و بقابله و معاه ع التلفون مش قادرة اتخطى انو مش ليا وانو مش ف حياتي خلاص اعمل ايه مش قادرة بجد قلب هيقف ...عرض المزيد

6 الدعم

4 نصيحة

حبيته 10 سنين وطلعت العلاقة نرجسية ومؤذية

وانا طفله صغيرة اتعرفت ع شخص قريب واحده صاحبتي حبيته حب مش طبيعي واكيد طفولي وهو كمان مكانش كبير الفرق بينا كان كام سنه مرت السنين الكتير وكبرنا مع بعض فضلنا عارفين بعض 10 سنين كاملين حصل فيهم كل حاجه الحلو والوحش والمشاكل والفرح وكل حاجه عشناها مع بعض بس انا كنت المستضعفة في العلاقه كنت اللي بضحي وبسكت وبصلح وبعمل كل حاجه عشان علاقتنا متبوظش دخلنا ف مشاكل كتير اوي كبيرة وهو اتأذى فيها كتير وانا يعتبر نفس الكلام مع أني كنت بحبه ويمكن مازلت بحبه ولكنه كان اناني لدرجه مش طبيعيه ممكن يبيع أهله عشان خاطر نفسه مكانس له امان ولا كان ليه عزيز زي مابيقولو اما عدت السنين بدأت اشوف عيوبه واحس أنه مش المظلوم من كل البشر زي ماهو مقتنع وعاوز يقنع اي حد حواليه ساعتها حطيت نهاية لعلاقتنا يمكن لحد دلوقتي بشتاق ليه وساعات كتير بضعف بالذات لانه شخص نرجسي جدا ومش قادر يستوعب اني فعلا سبته اما بيدخل يكلمني بقا يتحايل عليا اكون معاه ساعات كتير وانا بقوله لا بكون بعيط بس انا عارفه ان ده افضل كتير ليا مش عارفه انا حتى كاتبه الكلام مترتب ولا لا بس تماااام. ...عرض المزيد

7 الدعم

2 نصيحة