تايهه ومش قادره اتخطى بعد ما بعدت

Question

انا تايهه اوي اتعودت على وجود شخص في حياتي ولما اختفي بجد حاسه حياتي وقفت مش قادره ابذل مجهود ف اي حاجه مش قادره اشتغل مش قادره اعمل اي حاجه بسيطه كل حاجه تقيله على قلبي بحاول اتجاهل الشعور ده بس مش قادره وال يزعلني اني مستنيه منه مكالمه او رساله وحتي لما انا اخدت الخطوه وبعدت وعملت بلوك من كل حاجه لسه مستنيه منه مكالمه حاسه بقهره بحاول اعمل كل حاجه ممكن حد ينصحني بيها اول ما بخلص ال بعمله برجع من الاول تاني طاقه خلصانه وتعب

Chilli_76322 🇪🇬 · Accepted Answer

متخليش سعادتك ولا حزنك تعتمد على وجود أو غياب حد لازم تبقي عارف نفسك وقيمتها وحب نفسك

Strawberry_72887 🇪🇬 · Answer

خليكي مش قادره ي روحي

Banana_78158 🇪🇬 · Answer

اختفي ليه طيب!!؟
وعملتي بلوكات ليه 
علشان حد يفيدك لازم تقولي اي سبب الخلاف بينكو

Orange_85755 🇪🇬 · Answer

عملك بلوك عشان هو حياتك 
اي علاقة بين اتنين هيا حرف H.  انتي ليكي حياة وهو حياة وبيتلاقوا في بعض الحاجات 
ممكن تكوني صفعة ليكي تشوفي حياتك 
حولي الغضب اللي عندك دا إنك تجيبي نسخة كويسة من نفسك

Biscuit_67575 🇪🇬 · Answer

اسباب كتير والموضوع مبني علي مواقف قديمه اهمهم انه أتقدم وبابا رفضه و من وقتها والعلاقة بينا صعبه هو دفن نفسه في الشغل وبقي مشغول كتير اوي لدرجة انه مش بيقعد في بيته مع أهله وبدأ يقلل كلام معايا كتير يعتذر انه مشغول ومش عارف يعوض عدم وجوده وانا بشتغل ومواعيدنا بايظه كان كل شويه يطمني انه هيحاول مع بابا ومش هيستسلم بس دلوقتي مش شايفه ال هو بيقوله لدرجة اني اتعصبت وهو زعق وبعدها عملت بلوك

Banana_78158 🇪🇬 · Answer

طيب بصي انتي اكيد بما انك واصله للمرحله دي فا انتي بتحبيه انتي اكيد فاهمه بابا كويس انتي شايفه انو لو رجع اتقدم لبابا تاني بابا هيوافق عليه ولا لا؟يعني اكيد بابا رفضو بسبب حاجه وهو اكيد بيشتغل علشان يظبطها انتي شايفه انو بابا هيوفق عليه بعدين ولا لا 
طيب لو لا يبقا خلاص بجد فكك منو ومتشيليش البلوك
طيب لو بابا ممكن يوافق عليه بعدين خلاص سيبي الباب مفتوح شيلي البلوك وشوفيه هيعمل اي وهو كده عارف بيتك

Orange_75300 🇪🇬 · Answer

بصي هقول لك على حاجه حقيقي والله العظيم الحقيقه مش بتقف على حد احنا بس اللى بنبقى فاكرين كده لكن لا خالص حد مشي هيجي مكانه احسن منه وهى دى الحقيقة

Biscuit_67575 🇪🇬 · Answer

المشكله اني عارفه كده بس انا واثقه انه بيحبني بس الظروف مش واقفه معانا وبسبب مواعيد شغله وشغلى احنا مش عارفين نصلح الدنيا

Biscuit_67575 🇪🇬 · Answer

مش عارفه سبب رفض بابا ومش عارفه بابا ممكن يوافق تاني ولا انا مش عارفه بابا بيفكر ازاى ومعرفش برضو هو بيفكر في ايه بس في كل الحالات انا مش عايزه اتخطي مرحلة الحب ال انا فيها دي لان سواء كنا مع بعض او لا..بجد مش عارفه مش لاقيه حاجه اقولها بجد😪