كنت ف سمر كورس ف الجامعه وقاعد ف القاعة مستني الدكتور خرجت اتمشي برا لاقيت بنت قاعدة وعمالة تهوي بالهوايا دي قولتلها القاعة فيها مروحة ممكن تخشي تقعدي جوا لحد مالدكتور يجيي دخلت فعلا وانا فضلت واقف برا بتكلم ف التليفون لاقيتها خرجت من القاعة وبصتلي وبتقولي المروحة مش جايبة حاجة وبتضحك قولتلها اي هوا بعد كدة بدأنا نتكلم انتي ف سنة كام والحياه الدراسية عموما قعدنا ع سلم الجامعه وفضلنا نتكلم كتير جدا وهي كانت بتحكي وانا كنت بسمعها وهي كيوت الصراحه يعني مزهقتش منها خلصنا المحاضره ولاقيتها بتقولي مستنياك برا اتمشينا مع بعض عادي لاقيتها وقفت مرا وحده وقالت.... هو انا كدة خاينة ؟! قولتلها هو انتي مرتبطة اصلا ؟؟ قالتلي يعتبر قولتلها ازاي يعني قالتلي انها بتحب واحد من محافظة تانية وبينهم كلام كتير وانو كان مرتبط بصحبتها وبعد كدة ارتبط بيها هي وكان ليها كذا علاقة مع حد .... انا الصراحة مكنتش حاطط ف دماغي اللي هو عادي بتفضفض معايا بكلمتين وهتنساني وانا هنساها ومش هشوفها تاني المهم فضلت تكلمني عن اللي ارتبطو بيها وهي عملت ايه عشانهم وهما عاملو اي انا كل دة قاعد بسمع ولما بتخلص الحكاية اناقشها بقا انا مكنتش حاطط ف دماغي ولا حب ولا best friend حتي انا اصلا كنت متعقد من العلاقات لاني حبيت وحدة وربنا موفقش المهم خلصنا كلام ومشينا وخت رقمها بس احترمت انها مرتبطة وعشان اهلها برضو عشان كدة مكلمتهاش خالص الأسبوع اللي بعدو طالع المحاضره لاقيتها واقفة مستنياني وبتقولي انت كنت فين وكنت هرن عليك الدكتور لسة مجاش تعالي نقعد برا قعدنا وفضلنا نتكلم ع اللي حصل ف أيامنا من ساعت اول مقابلة لينا والمواقف اليومين المضحكة وكدة حصل موقف احنا كنا قاعدين ف بنت جت قالت هو كلية هندسة فين هي اتكلمت وقالت امشي كدة قالتلي كويس انك متكلمتش قولتلها ليه يعني انا بس مش فاكر مكانها كويس قالتلي وتتكلم معاها ليه اصلا هي بنت وانا بنت الموقف عدا طلعنا المحاضره وكل شوية الاقيها بتبص عليا عملت نفسي عبيط مش تقل والله دة عشان الدكتور ميحفلش علينا 🙂 خلصنا المحاضره وقعدنا نفس القاعدة تاني وباقيت تحكيلي انها هتسيبو وانهم مش بيتكلمو وان هو من محافظة تانية وان اهلها مش عايزينها تكلمو تاني ف الموضوع شبه منتهي قالتلي انا رايحة لصحبتي هنا قولتلها تمام تعالي اوصلك اتمشينا سوا وفضلنا نتكلم ونهزر واحنا ماشين والجو كان شمس قالتلي انا ممكن اعمل حاجه؟ قولتلها ايه هي؟ لاقيتها مسكت دراعي رفعتو ع دماغها عشان الشمس قال يعني هحميها من الشمس وحرارتها 😂😂 واحنا ماشين قالتلي هو حاليا انا مش بتكلم معاه بس هو بيسال كل فين وفين ومفيش حد غيرك دلوقتي ف حياتي ف انا بصتلها اتكسفت هزرت معاها ووصلتها النقطة المهمة بقا انا كل دة بتكلم بحسن نيه مش ف دماغي ارتباط ولا كلام المحن دة هل هي بتتكلم معايا ع صاحبها عادي ولا هي في حاجة جواها بس مش عايزة تقولها ؟ بس الفكرة انها ارتبطت كتير وهي اصغر مني انا عارف ان غلط احكم ع حد من ماضيه بس فكرة انها كلمت كذا ولد قبل كدة وهي بتحكي معاايا يبقي اكيد هيجيي ف بالي ان بدايتهم كانت كدة زيي انا بحب اسمعها واتكلم معاها بس مش عايز اعلق نفسي بيها انا اصلا سنة رابعة وهي سنة تانية ف مش هشوفها تاني ايييي الحل..... ؟

2

9