احنا يا معلم بنبرمج الطاقة على الحاجة اللي احنا عايزينها كأننا بنكتب القدر تخيل معايا صحرا كبييييييرة ملهاش آخر وحط فيها اللي انت عايزه حط فيها شجر كتير حط فيها جبل اعمل فيها مياه واعمل راكية نار الجزيرة دي بقت بتاعتك عيش فيها العشر سنين اللي جايين دول واهتم بيها شايف تفاصيلها؟ شيل النار منها حط فيها تلج وبطاريق أو غابات خضرا كبيرة هات خمرا كتير واشرب هات آلات موسيقية والعب وغني انت هنا لوحدك اقلع كل حاجة مش بتاعتك كل نظرة عين مش حقيقية كل نبرة صوت مش طالعة من بطنك كل خوف من المجتمع كل انفصال أو اتصال انت مش أفكارك انت مش مشاعرك انت مش جسمك انت مش نفسك انت حتى مش روحك سمع مزيكا اتفرج على العصافير ما تعينش نفسك قاضي ولا تسيب حد يحكم عليك حط كحل ارسم تاتو البس شراب فردة وفردة ما تسرحيش شعرك ما تتكلمش خالص اتكلم كتير ما تنامش 3 أيام نام يوم كامل جرب جرب جرب اغلط واتعلم واغلط تاني واتعلم قول عمري ما هرجع وارجع حب نفسك حب احساسك حب عيوبك امشي في الشارع وانت مغمض اجري ورا القطط والكلاب خد دش بهدومك اتأخر على الشغل انزل من غير الموبايل سيبه يفصل ما تردش على التليفون اتفرج على فيلم كوميدي وعيط او فيلم حزين واضحك اعمل كل حاجة ما تعملش حاجة خالص جرب جرب جرب انت بس اللي هنا انت بس اللي عارف انت بس اللي حقيقي

0

4