أمي أنانية بتقلل من عيالها ومش فارقها حد

Question

انا بكره امي واحدة مش كويسة كل همها في الحياة انا دا اتصل بيا ودا ليه ما اتصلتش وكل الناس واخدة منهاجنب ومش بتعمل حاجه غير انها بتقلل من ولادها وتعاملهم وحش وتقارنهم بالناس وتقولهم انتوا فشلة والناس احسن منكم وانتوا قللات الادب ومش فالحين في حاجه وبتكدب دايما عيالها وهما بيقول الصدق والناس تحلف بأخلاقهم ودايما مش بتفكر في حد غير نفسها واحدة أنانية صعب التعامل معاها تتمني موت عيالها ومش فارقلها وأما تيجي تلومها علي التعامل دا تقولك اصلك قليل الادب مش بتعمل حاجه غير انها قاعدة تزعق في الكل تفتكروا دي شخصية كويسة وسوية نفسيا وترضي باللي ربنا بيكتبهلها

Almond_63696 🇪🇬 · Accepted Answer

مصطلح انا بكره امي ده استوقفني شويه لغاية مقدرت استوعب انك عرفت تقول كدا،، 
ساعات بنغضب من اهلنا ايوه طبعا احنا بشر لكن انك تقول كدا علي اللي بسببها انت موجود ف الدنيا دي حاجه كبيره اوي، بغض النظر انت زعلان منها في ايه روح اتكلم معاها بحترام وقولها انك مش حابب اللي بيحصل وافقت وافقت موافقتش دي امك وهكتفي ب اني اقول امك لان دي كلمه بتشيل معاني كتير اوي، ربنا يهديهالك ويصلحلك الاحوال.

Chilli_69499 🇪🇬 · Answer

انا بيحصل معايا نفس الحوار

Mango_29955 🇪🇬 · Answer

انت بتعدلها سيئاتها دي كلها بامانه معملتش معاك حاجه حلوه تذكرها ؟

Ice Cream_69811 🇪🇬 · Answer

اوقات كتير تعامل بيكون صعب مع امهات انك تحسني فيها سلوك ، وخصوصا واضع ان مخها شديد و صعبه في تعامل فا اسلم حل لتحاولي بكل طاقتك تقربي منها تفهمي ايه فعلا مخليها تفكر كده بدووون نقاش لانها هتهجمككك جدااا  لان ممكن يكون جواها مشاعرك و افكار تكون دي نتيجه تصرفاتها اوووو. تتجنبي تماما وتخدي كلام وترميه وقرد الامكان متصدقهوش لانه مش حقيقي

Apple_68671 🇪🇬 · Answer

يا عم يا ريت امي ترجع الحياه تاني وتعمل اللي هي عاوزاه .. حافظ علي النعمة اللي لسا في ايدك وربنا يخلهـالك ويطول في عمرها ويرحم اموات المسلمين

Watermelon_69693 🇪🇬 · Answer

اكيد مامتك من الجيل القديم بس هو ده تفكيرهم انت مش هتقدري تغيري اهلك مهما كانوا وحشين، بس جربي تكلميها وقوليلها اللي بيضايقك منها منغير ما تجرحيها ومفيش حاجة اسمها بكره امي ف الاول والاخر هي تعبت وربت اكيد عملت حاجة حلوة، بس انا والله متفهمة جدا إن اكيد اللي بتعمله يضايق انت مش ف ايدك غير انك تكلميها

Mushroom_63318 🇪🇬 · Answer

حرام انك تتكلم علي حد كدا في غيابة ما بالك من والدتك 
عيب اتقي الله و عليك النصيحة

Watermelon_69483 🇪🇬 · Answer

تعمل اللي هي عايزاه اكيد كل ام ممكن تعمل حاجه مشابها لكدا لكن هي حرفيا مفيش حاجه واحدة تميزها الطريقة الوحيدة عشان تتجنبها انك متتعاملش معاها طول اليوم غير كدا هي مش فارقلها انت بقي محتاج حنية منها اي حاجه لا مفيش كمان هي واحدة عمرها ماتغلط نفسها

Cheese_63783 🇪🇬 · Answer

الام اللي زي دي حتى لو بتعمل حاجات كويسه بس بيبقى صعب اوي التعامل والحياه معاها ف ربنا يكون ف عون ولادها لاني مجربه

Apple_56874 🇪🇬 · Answer

حافظ/ي على امك قبل ما تروح ( هى بتعمل كده لأنها فقدت الأمل فيكو ف حاولوا تعملوا حجات حلوه ومتضايقوهاش وان شاءالله هتلاقي تغيير

Watermelon_69483 🇪🇬 · Answer

لو سمحت حضرتك تحترم نفسك انا مغلطش فيك

Watermelon_69483 🇪🇬 · Answer

هي الوحيدة اللي شايفه عيالها مش كويسين وبتقلل منهم صدقني الناس جميعا تحلف بأخلاقنا في التعامل الكويس اللي بتطلبي امي يتفذ وفوق راسي لكن احنا فين حقوقنا عندها

Cheese_63783 🇪🇬 · Answer

سوري بس انت عامل زي الناس اللي لما بيسمعوا واحده بتشتكي ان جوزها بيضربها ويهينها او بخيل ومش بيصرف عليها بيردوا يقولوا احمدي ربنا انك متجوزه ومتخربيش بيتك فيه ستات تانيه بتتمنى تتجوز، اي نعمه اللي حضرتك بتتكلم عليها؟ عارف يعني ايه نعمه الاول؟ الاهل بإيديهم يطلعوا اولادهم اسوياء ويقدروا يهدوا الدنيا دي ويبنوها من تاني وبإيديهم يطلعوا اولاد عندهم اضطرابات وامراض نفسية وكارهين العالم وخايفين منه

Waffle_62639 🇪🇬 · Answer

مهما كانت هياا اي و لو فيهاا عيوب الدنياا كلهاا المفروض انك تستر عليهاا و تدعلها ده لو في قلبك خير ليها لاكن الي انت بتقوله ده غلط ليها رب يحسبهاا انت دورك في الدنياا انك تبق سندها و ضهرهاا حدا لو فيهاا كل العبر و ربنا يهديك و يهديها

Chocolate_69226 🇪🇬 · Answer

بص محدش بيختار اهله ولا اسمه ولا شكله بس محدش حيحبك وعايزكو احسن ناس في الدنيا قدها 
وديه عباده منكم ليها وخدها علي قد عقلها وراضيها لان الستات مهما كانو بيغيرو من البنت للعجوزه 
الجنه تحت اقدامها وحتتمنو في يوم انها ترجع وتعمل كل ده بس تبقي موجوده تعرف ان ربنا بيسترها معاكو عشان امكو فا حاول تفهم صح واحتويها واكسب رضاها عشان الجنه تحت اقدامها

Avocado_53960 🇪🇬 · Answer

والله انك حيوان علشان تقول كدة على امك .. انت اقسم بالله لو قدامى هفشخك مش هغلط فيك

Watermelon_69483 🇪🇬 · Answer

حضرتك بتتكلمي عن دوري اتجاهها اللي عمري ماقصرت فيه طب في دورها اتجاه أولادها مش فارق معاها مثلا ابنها دا اما هي تكبر ممكن يعاملها ازاي بعد كدا

Watermelon_69483 🇪🇬 · Answer

والله الحيوان دا هو انت لأنك زي البهيمة مش فاهم حاجة لو كنت مريت بحاجه زي دي وضغطت علي نفسيتك مع السنين ماكنش بقي ليك حق تسب او تلعن في الناس وتحكم عليهم وانت لم تمر مرور الكرام حتي علي اللي هما مروا بيه فأحسنلك في هذة المواقف تحط لسانك جوه فمك وتقعد كدا مؤدب زي الكلاب او تقول رأيك بكل احترام والانسان دايما مخير في الحياة وانت للأسف اختارت تبقي بهيمة

Avocado_53960 🇪🇬 · Answer

انت فى الاخر بتتكلم عن امك .. انت فاهم انت بتقول اية .. ولو أنا بهيمة .. امسك كتاب ربنا وشوف ربنا قال اية عن الأم

Watermelon_69483 🇪🇬 · Answer

كلامك يحترم لكن صدقني حضرتك الكلام دا مش في لحظة غضب خالص وحضرتك كمان انا واخواتي والله قعدنا معاها كتير نقولها يا ماما مينفعش كدا شوية حنية شوية او تعامل كويس  مش طالبين اكتر من كدا لكن في هذة المواقف تبتدي تلومنا وتقولنا دلوقتي انا وحشة ومش كويسة وانتوا مش متربين مع العلم احنا مش عيال صغيرة احنا اصغر إخوتنا في كلية في كلية لسه

Chilli_69971 🇪🇬 · Answer

الحاجة عندها اضطراب الشخصية النرجسية..وده مالوش علاج نهائي..والحل انك لا تصطدم معها ومتحاولش تغلطها او تقنعها بغلطها والله لو عشت عمرين فوق عمرك ما هتغلط نفسها..ابحث عن (الام النرجسية) واقرا الحل