بقالي فترة بصحى قبل المنبه، مش لأن نومي مريح، بالعكس، بغمّض عيني بس دماغي مش بتسكت، فكأن اليوم بيبدأ من قبل ما يطلع النور. شاب في أواخر العشرينات، متخرج بقاله شوية، شغال شغلانتين، وبسمع كل يوم نفس النصايح اللي متجربتش: “خلي عندك طموح” “كلنا تعبنا وعدّينا” بس الحقيقة؟ كل مرة بفكر أكمل، بحس الواقع بيقولي: “راجع نفسك”. كنت بحلم، كنت بحب، بس اللي حواليّا كانوا شايفين إن الاستقرار أهم من الحلم، وإني لسه صغير عالوجع رغم إن الوجع مبيرحمنيش. برجع من الشغل عيني بتقول حاجات كتير، وأنا ساكت، أبص في المراية وأسأل نفسي: “هو أنا فعلاً لسه قادر؟ ولا دي آخر نقطة فيّا؟ وبرغم ده كله؟ لسه بصحى، وأنزل، وأضحك، وأقول “تمام”، وأنا آخر حد تمام

1

1