بحبه أوي من قبل ما اعرف يعني ايه حب اصلا كنت صغيرة وبشوفه كل يوم وخلاص بقا جزء من يومي، بحب اشوفه وأقعد أبصله كدا طول اليوم، وكنت ازعل اوي لو مشوفتوش في يوم مكنتش اعرف انه حب وإني هتعذب به لحد دلوقتي "لو كنت أعرف أن الحب خطير جدا ما أحببت والله" كبرنا وبقيت أشوفه أقل وحبي له يزيد اكتر واكتر، فاكرة اول مرة حلمت به وكنت فرحانة اوي اني عرفت اشوفه في مكان تاني اهو واتكلم معاه براحتي -لأني عمري ما كلمته في الحقيقة- فضلت أراقبه ومش قادرة اشيل عيني من عليه، بتجنن لو سمعت واحدة بتتكلم عنه سواء بالحلو او الوحش، بيبقى شكلي اهبل اوي لما تيجي سيرته واحاول ابين انه عادي ولكن من توتري بيبان انه لأ مش عادي وعمره ما كان عادي بالنسبالي، كل دا ومعرفش حتى الان مشاعره كبرنا وكل واحد حاليا في كلية مختلفة ومعرفش عنه اي حاجة وهو كذلك عيني مش بتبطل دموع عليه وعلى فراقه، بتمنى اشوفه بس ولو من ضهره حتى، عايزة المح طيفه بس كدا، بقيت بتخيل اللي حواليا شبهه اصلا، المشكلة إني مش عارفة هو بيحبني ولا لأ، بحاول انساه وادعي اقول ربنا يرزقني الزوج الصالح بلقيني تلقائيا بدعي به هو واقول ان لو مكانش صالح ربنا يصلحه ويجعله زوجي. كل الظروف بتقول اننا عمرنا ما هنتجمع بس انا نش قادرة انساه، مش قادرة بجد دا عاش جوايا سنين وكبرت معاه وهو جوايا بيكبر وعمره ما قل ابدا، خلاص انا بقيت تلقائيا بفكر في مستقبلي اللي هو عيكون جزء مني، بترعبني اوي فكرة ان ممكن يجي يوم واكون لغيره وهو يكون لغيري، تيجي واحدة مدعيتش به ولا بتحبه من ابتدائي زيي تاخده مني، حقيقي يبقى ساعتها "الاحلام اللي مش بنحققها بتروح لناس تانية عمرهم ما حلموا بيها" الانسان مكروب ومش عارف يعمل ايه وبقيت على طول زعلانة لو اعرف بس هو مشاعره ايه ناحيتي هبقى مطمنة مش عارفة اعمل ايه بجد ❤️‍🩹

0