بحاول عشان أقول إني حاولت والحياة مش ليّه

Avocado_75894 🇪🇬

منذ شهر واحد

شعور محبط

بقيت حاسس إني بحاول اسعى مش عشان أنجح لا بحاول عشان لمى حد يسألونى أقوله انى حاولت فى كذا و كذا حاسس ان الحياه مش لية والسعاده دى حاجه بيتسمع عنها بس وأنا مستهلش انى اعشها بجد طموح اتكسرت ع صخور البيئه والظروف

فرحان لو طلع عندي سرطان وزهقت من الدنيا

انا بقى لي فتره كبيره متوقع ان انا عندي سرطان في الدم فده مش عارف حقيقه ولا وهمي من الشيطان بصراحه لو طلع حقيقه انا هكون فرحان جدا عشان خاطر انا زهقت من الدنيا كلها وبتمنى اموت النهارده قبل بكره من غير ما اقدم ربنا ...عرض المزيد

1 الدعم

8 نصيحة

ذل الأهل وضرب أبويا عشان نضارة بكام جنيه

تبقي ساكت ومتحمل كل اللي بيعملوه و تكون أقل من كل اللي حواليك في كل حاجه و عمال تقول ظروف و هتعدي و هما يفتكروا أنهم معيشينك عيشة ولا في الاحلام و يقعدوا يذلوا فيك وانت اصلا مقصس حياتك بالعافية نضارتي محصلش فيا حاجه ولا لمستها جيت اخدها من علي الكرسي لقيت العدسه واقعه من الشامبر عادي لقيت ابويا قام مكمل عليها كسر و ضربني و قالي أنا طافح الدم وانتٍ تكسريها بالساهل علما بأن ابويا بيديني مصروف في الشهر الف جنية اروح بيه كليتي اللي انا بسافر ليها ساعتين مواصلات و اشتري بيه اللي انا عاوزاه و اصرف بيه علي نفسه و اكشف و اجيب لبسو ادفع مصاريف و كل حاجه مفكر أن الالف بتاعته دي بتعمل حاجه بس الواحد مقضي حياته و ساكت ويقول عادي عادي لكن بعد ضربه ليا ده مع اني قولت ليه اني والله معملت فيها حاجه كان هيخلع فكي في ايده و عمال يشتم فيا و يدعي عليا ده ب ١٠٠جنية عنده ممكن يدي اخواتي الولاد اللي هما عاوزينه ده ساعات بيشيل مني علشان يدي اخويا فأنا قررت بلاها ذل و بما انهم مش بيرحموا ولا بيسيبوا رحمة ربنا تنزل و مش عاوزني اشتغل أنا هقضي حياتي في البيت اعيش ليهم خدامه واعمل بلقمتي بس مش هاخد منهم جنية و هسيب الكلية علي الاقل لما حد ييجي يقول بنصرف عليكي أقوالهم محدش بيديني جنية و هو بيقولي البنات اصلا مولودين ليه علشان يتجوزوا متحلميش انك تسافري ولا تشتغلي و اهلي في فرح و مبسوطين و سايبيني في البيت معاه اتصلت بأخويا معبرنيش و كلهم غلطوني اني ليه وريتوا النضارة ده انا بقول لاخويا خدها وديها بس كده والله معدتش عاوزة اتعامل معاهم ولا اكلم حد فيهم. ده نبذه بسيطة عن اللي بشوفوا في بيت الأهل ...عرض المزيد

1 الدعم

2 نصيحة