صاحبي مقرب ليا بس أنا مش مقرب ليه

Question

شباب بتتعاملو ازاي لو في حد من صحابكو هو اقرب حد ليكو بس انتو مش اقرب حد ليه و الموضوع بيخليك وفكر انك تقيل عليه او مستحملك عافيه و كل الحاجات دي و محدش يقلي واجه و اسال لان بحكم اني شب و عندي 23 حاجه زي كده هتبان مريبه اوي

Pear_68049 🇪🇬 · Answer

المعامله بالمثل واللى يمشيلك خطوه امشيله ذيها بلاش تجود علشان هتتعب
وانت دى غلطتك مش غلطتهم انت اللى فاكر ان مكانتك عندهم ذي مكانتهم عندك ولما تعتب هتسمع الرد القاتل محدش قلك اعملى وسويلى ودور ف حياتك هتلاقى ناس بتحبك وانت بتعمل العكس ومش مهتم دول اللى تدور وتبقى عليهم

Mango_75327 🇪🇬 · Answer

جرب تبعد ، الصداقه مش هتتغير في الاغلب، شوف حد تاني صاحبه ، الموضوع موضوع ألفة

Coffee_56100 🇪🇬 · Answer

والله زيك كده بس هعمل ايه اختفيت من حياته

Strawberry_75117 🇪🇬 · Answer

معلش مع احترامي الشديد جدا للي بيقول المعاملة بالمثل ده غلط يا صديقي 
بص انت حطيت الشخص ده في مكانة حلوة عندك عامله عالأساس ده بس متتوقعش انه يحطك في نفس المكانة عنده عامله حلو متتوقعش انه يعاملك بنفس المعاملة ممكن هو كمان بيحبك بس دي مش طريقته في اظهار ده وممكن يكون هو مبيحبكش خالص حتي بس ده كله مش مهم المهم انك بتحبه وبتكنله احترام وود والمعادلة دي مقبولة تماما علي فكرة انت اصلا بتعامل ربنا كدة

Strawberry_75117 🇪🇬 · Answer

تخيل معايا انت بتقارن حب ربنا ليك بحبك ليه لو ربنا بيعاملك بالمثل هل هيسامحك عالغلطات الي بتعملها لا ده مش بيسامحك بس ده بيودك كمان وبيمسحهالك اكنك معملتهاش وبيديك حسنات عالتوبة 
الصحابة كانوا بيتعاملوا كدة سيدنا عمر كان بيود سيدنا خالد جدا فوق ما تتخيل وسيدنا خالد كان بيوده برضه بس اكيد مش بنفس طاقة عمر لو قريت برضه العلاقة بين سيدنا عمر وسيدنا ابو بكر هتلاقي نفس الكلام عامل علي قدرك انت مش قدره

Strawberry_74808 🇸🇦 · Answer

هتلاقي حد يحبك بدون اي مجهود منك ولا مصلحه أتعرف علي ناس جديده شبهك