كيف أتعامل مع أمي النرجسية؟ بتحسسني عبء ومش عايزاني!

Question

جماعة بجد بتتعاملوا ازاي مع الام النرجسية
ببتحسسني شويه انها بتحبني ومره تاني اني عبئ عليها وانها مش عايزاني 
لسانها وحش بتدعي عليا 
بتقعد بالفترات  متسألش عليا بحكم ان هي وبابا منفصلين ف انا مش عايشه معاها
ولما اخد علي خاطري َازعل تكلمني وتقولي مش بتجيلي ليع وافرض موت ابقي غضبانه عليكي وعازاني اروحلها بس انا مبقتش متقبله عايزه اروح بس مس قادره ومش قابله
مش قادره اسمه كلامها وف نفس الوقت خايفه فعلاريحصلها حاجة واندم اني مقضتش معاها  وقت
بس هي بتأذيني ببقي مدمره نفسيا وانا عندها
 بيصغب عليا منها وبالذات لما بشوف قرايبي كلهم اسراهم مع امهاتهم وانا مش بعرف اتكلم معاها ولا احكيلها حاجة

Apple_65355 🇪🇬 · Answer

اتكلمي معاها وصارحيها بالكلام ده او دخلي حد وسيط يكون له مكانه خاصه عند والدتك او شيخ  واحكيله وجهة نظرك والبيحصل وهو يحاول يحل بينكم ورينا يحنن قلبها عليكي.. وحاولي ان مهما عملت متخسرهاش لان ممكن ف اي لحظه لقدر الله يحصل لها حاجه وتندمي فبلاش نوصل للحظه دي لان الندم ساعتها مش هيفيد باي حاجه وهيبقي معاكي طول العمر للاسف 😔💔

Ice Cream_58680 🇪🇬 · Answer

كلمتها كتير ومفيش فايدة

Apple_65355 🇪🇬 · Answer

مش انتي التتكلمي خلي حد وسيط يتكلم يكون له مكانه خاصه عندها او شيخ مثلا لان زي ما لها حقوق عليكي لكي حقوق عليها وواجب علي الطرفين انهم يدو بعض الحقوق مش علشان انتي بنتها ف يبقي مثلا ملكيش حقوق وامك وحقها والكلام ده .. لا الاهل لهم حقوق علينا زي ما احنا لنا حقوق عليهم

Olive_53202 🇪🇬 · Answer

دا موضوع يطول شرحه

Potato_26031 🇪🇬 · Answer

عندي نفس المشكلة مع بابا نرجسي و اسلوبه بيعملي أذي و ضغط نفسي رهيب ، و منان بقيت بشتغل معاه الفترة دي فا ٢٤ ساعة قاعدين مع بعض فا انا حاليا حاسة بكمية ضغط فظيعة و نفسي اخد بريك منه و ابعد عنه شوية مش عارفة بس للأسف مفيش حل للموضوع دة غير الصبر لحد ما نتجوز و نطلع من البيت

Durian_52455 🇪🇬 · Answer

شوفى.. انتى قلتى كلمة أم
يبقى واجب عليكى إنك تكونى فى حضنها
مفيش حد فينا خالى من العيوب.. والأب والأم مش ناس عادية علشان نبعد عنهم لأى سبب.. دول أهلك اللى منك
اللى لو كانوا اسوأ ناس فالدنيا بس انتى بتعملى دورك و واجبك ناحيتهم
نفسيًا (اكيد هتكونى مضطربة وبالك مش مرتاح لإنك خايفة من الأذى.. ولو بكلمة)

Durian_52455 🇪🇬 · Answer

ليكى حق تكونى مش عايزة تسمعى كلام يضايقك وليكى حق تخافى منها.. بس ملكيش الحق إنك تسيبى مسافة بينك وبينها حتى لو فيه عدم أمان بينك وبينها
لو هى قلقانة طمنيها.. لو خايفة.. خليكى جنبها
الناس فالسن ده بيحتاجوا جدًا اللى يسأل عليهم كل يوم ويكون موجود معاهم.. بيحبوا يحسوا انهم متشافين ومسموعين
بلاش تضيعى الثواب والأجر العظيم لما تبريهم

Durian_52455 🇪🇬 · Answer

وقبل ماتكلميها فون او تروحيلها البيت.. احتسبى ان اللى بتعمليه ده علشان ربنا
وكلميها بـ نية إنك بتحبيها علشان هى تحس بحلاوة التربية والتعب والسهر والألم
ومهما اتقالك كلام سلبى (هتفضلى تحبيها) لإن ربنا هيشيل اى حواجز بينك وبينها وهيزرع الرحمة والحب فى قلبك وقلبها 
ربنا يجبر بخاطرك ويجعلك من الأبرار 🙏🏽