ايه الظلم اللي حصل من اهلي؟

Q: مضطهد في بيتنا ومحدش يحترمني – محتاج نصيحة

السلام عليك أنا سوداني بس عشان الحاصل ف السودان عايش ف السعودية ، أنا ابن اوسط و بعيدا عن كلام الميديا بحس اني مضطهد ف بيتنا ، ماف واحد من اخواني يحترمني ، م عندي كلمة على ناس بيتنا ، لي 4 شهور بطلب من ابوي يشتري لي تيشيرت كورة واحد بقول لي كويس وبنسى الموضوع ، قبل شهر اشترى ل اخوي 3 تيشيرتات من نفس الفئة والندرة اللي أنا عايزها ، حاولت اجمع قروش براي ، جمعت 120 ريال اهلي عرفو شالو ال 100 قالو لي ح نرجعها ليك الموضوع ليهو شهرين م رجعوها لي ، طلبت من ابوي سماعة سلك للجوال ، من شهرين م جابها لي اول امس قلت ليهو جيب لي السماعة امي قالت لي زي حقت اختك؟ أنا انصدمت انه جاب ليها السماعة وانا لأ ، لما سألت اختي قالت لي جابها قبل شهر وانا لي شهرين يطلبها منو! غير كدة ف حاجات كتييرة بس م بقدر اذكرها كلها ، شعور مؤلم جدا تكون مضطهد ف عائلتك😓 ممكن اقول احسن حاجة عملوها لي خصيصا هي ان جابو لي آيفون 11 ، ممكن نصيحة ل موقفي دة !و شكرا.