أنا مش زي حد في سني ومش عارفة أخذ نفسي

Question

انا عندي ١٥ سنة ،بس انا مش زي اي حد في سني . انا بساعد ماما و تقريبا انا الي بعمل كل حاجة (كل شغل البيت و ساعات انا الي بطبخ)وا انا شخصية مش بعرف ازعل حد بس ساعات بحتاج اني افصل عن البيت و المذاكرة و المدرسة بحتاج انزل لوحدي افصل و اشم شوية هوا بس حتي دة كمان مش بعرف اعمله .انا مش عارفة اخد نفسي و ساعات بعيط بدون سبب لان انا شخص كتوم جدا .دة غير طبعا اني مختلفة في اني مش مهتمه بالولاد و انا عارفة ان كتير من الي هيشوفوا الكلام ده هيقولوا اني بيك مي بس انا مش كدة

Strawberry_35712 🇪🇬 · Accepted Answer

محدش هيقول عنك بيك مي لانك مضرتيش حد وباين  أنه عليكي ضغط جامد ومش لازم تنزلي علشان تفصلي ممكن تقعدي علي النت شوية تكلمي واحدة صاحبتك مرتاحة معها بس يكون كلام بحدود علشان محدش يرجع يذلك باي حاجه بتحصل معاكي وممكن كمان تتعلمي هواية بتحبيها أو مهارة زي البرمجة و طبعا لازم لو بتذاكري كتير تعملي نظام البمودورو 50 دقيقة دراسة و 10 دقايق استراحه وهنا محدش يقدر يقولك حاجه فا اتكلمي براحتك وفكي عن نفسك

Orange_41951 🇲🇦 · Answer

ذا التطبيق فيه خاص ؟ إذا فيه ابعثي لي عندي كلام أقلك ياه

Chocolate_28269 🇪🇬 · Answer

انتي اللي صح و تفكيرك صح في جدا في حوار الولاد و كفاية انك بترضي ربنا و بترضي مامتك و بر الوالدين ده جزاءه كبير اوي عند ربنا بصبي جربي في يوم تصحي بدري تخلصي كل حاجة وراكي و تكوني معرفة مامتك انك هتنزلي بليل و محدش يطلب حاجة ف الوقت ده لانك نازلة مفيهاش حاجة لانك بتساعديها دايما حاولي دايما تحكي لربنا اللي مزعلك لو مش هتعرفي تحكي لحد و ربنا يهون عليكي بجد

Corn_36873 🇪🇬 · Answer

بصي بغض النظر اني معرفش يعني ايه بيك مي بس لا عادي جدا انا احيانا بحب اعمل كده واحيانا بردو ف البيت عندي يقولولي هتنزل تعمل ايه في حد بيتمشي من غير هدف بس ف الاغلب بنزل وبحط السماعه ف وداني وافضل اتمشي ممكن ساعه وبعد كده اروح افضل مخنوق وانام بس الكومنت اللي عندي يعني ايه مش مهتمه بالولاد 🙂

Strawberry_35712 🇪🇬 · Answer

علشان متعيطيش ويجيلك اكتئاب ولو بعد الشر عندك دوري علي طرق العلاج علي النت لانه موسوعه فيها كل شئ ولو عايزة يكون عندك حد معاكي يسمعك انا بنت صحيح اني اكبر منك بسنتين بس هسمعك بردو وهنكون صحاب وربنا يوفقك

Corn_36873 🇪🇬 · Answer

بس انتي صح في حتة الولاد حافظي ع نفسك لحد ما يجيلك اللي يستاهلك لان في ولاد كتير استغلاليين ومش سالكين خالص + انا ولد

Watermelon_32329 🇪🇬 · Answer

انا زيك فى العموم بعدت عن صحابى ولما بزهق بنزل اتمشى لوحدى والهاند فرى فى ودنى فمزعلش انت مش لوحدك ☺️

Corn_36873 🇪🇬 · Answer

ازاي ارد في ام البرنامج ده😒

Sugar_38545 🇪🇬 · Answer

اه في