انا مختلف عن اللى فى سنى واتقالى معقد

Question

انا عندى 20 سنة انا من صغرى بعمل عكس اللى فى سنى يعنى مثلا وانا طفل مكنتش بحب المسدسات وكده كنت اجيب حاجة حلوة ومبحبش العب بمسدس ودلوقتي مبحبش بنزل ستوريهات الا فى الضرورة مش مهتم بالصور الكتير مش مهتم بالارتباط مش بحب احتفل بعيد ميلادى أو انزل صور يوم عيد ميلادى اصلا مبحبش لبس التريند مبحبش لبس الاوفر سايز
لدرجة أن فى ناس صحابى كتير بيقولولى انت معقد

Banana_65004 🇪🇬 · Accepted Answer

عادي مش شرط تعمل زيهم أو تلبس زيهم 
والاستوري واعياد الميلاد كلها فيك عادي وسنة ولا اتنين ومش هتنزلوا كلكم اصلا 
انت بس مختلف مش معقد ودا شئ طبيعي
بس نصيحة اتعلم ترد عليهم وتفهمهم انه دا اختلاف ومش لازم تبقى زي القطيع عشان تعجب ومتبقاش معقد

Mango_63496 🇪🇬 · Answer

ايه ده يعني انا طلعت معقد ؟؟!
ياعم سيبك منهم هو احنا بس عشان بنحب حياة هادية من غير دوشه و الله صورة كده لذكرة لما حلوه فين وفين لبس عادي شخص مسلم كلاسيكي عاقل يعني ارتباط حرام بنزل استوري قليل حياتي برايفت مش بحب الاغاني عادي جدا عيش زي ما تحب و مش بتعصي ربنا

Lemon_57865 🇪🇬 · Answer

معقد ايه بس هم المعقدين اي حد بيخرج عن القطيع لازم يرجعوه الحاجات ال انت بتعملها عاديه جدا و مفيهاش حاجه خليك ديما علي راحتك

Olive_61802 🇪🇬 · Answer

لا ياحبيبي خليك علي طببعتك باللي انت تحبه مش اللي الناس عايزاه

Ice Cream_63748 🇪🇬 · Answer

اي المعقد في كداا !! علي الاقل انت عارف انت عاوز اي و بتعمله مش ماشي ورا اي حاجه وخلاص لمجرد انها بالنسبه للناس دا الطبيعي

Strawberry_25620 🇪🇬 · Answer

هما اللي معقدين بأمانه 😂😂
استمر انت اللي صح🤝🏻