اللي جاي خير حتى لو كان على غير هوانا 💜

Pineapple_25718 🇪🇬

منذ 9 أشهر

شعور عاطفي

انا متاكد ان اللي جاي خير حتي لو كان علي غير هوانا الحمدالله ربنا عمره ماهيجيب حاجه وحشه حتي لو كنا فاكرين انها وحشه بس عي فعلاً بتبقي خير لينا واحنا مش عارفين والحمدالله ربنا كريم وبيعوض الحمدالله💜

نعمة الصحه والأهل والله كل حاجه تهون

أقولكوا على حاجه بجد؟ بما إني مريضة كانسر بقه وكده وقبل الكانسر كان عندي مشاكل كتير أووي وهموم كتير أووي بس عارفين بجد بعد الكانسر اكتشفت إن كل ما دون الصحة دون أي هم وأي حزن غير الصحه وفقد الأهل دون والله والله إن ما فيه نعمه أعظم من إنك تكون بصحه كويسه تصحى براحتك تنام براحتك مفيش مرض بيقلق نومك،الرسول عليه أفضل الصلاة والسلام قال: (من أصبح منكم آمنًا في سربه، معافى في جسده، عنده قوت يومه، فكأنما حيزت له الدنيا) ف بجد متزعلوش نفسكوا على أي حاجه والله كل حاجه غير الصحه والأهل تهون احنا ف نعم كبيره أووي بس للأسف بنألف النعم ف نبدأ نحس إن ده الطبيعي،إن طبيعي نلاقي نأكل ،طبيعي نلاقي مكان دافي يحتوينا،طبيعي صحتنا تكون بخير،طبيعي أهلنا يكونوا جنبنا،مع إن كل دي نعم مش طبيعي الإنسان يمتلكها لكن ده كرم ورحمة وفضل ربنا بينا،لما بدأت الكيماوي كنت باخد كل أسبوع جلسه كنت بتدمر بدأت أدرك وقتها نعمة حياتي اللي كنت شايفاها عاديه وسوداويه ومليانه هموم بدأت أشوف إن كل اللي كنت حاساه تفاهات،كل ما دون الصحه دون والله،فكرة إني كنت كل أسبوع باخد جلسة كيماوي وما أدراكوا وجلسات الكيماوي وألمها النفسي والجسدي كنت بتدمر وكنت ببقى رايحه وأنا عارفه إني رايحه جلسة العذاب النفسي والجسدي بدأت أدرك فعلا نعمة وفضل الأيام اللي كنت شايفاها عاديه وممله واتمنيت لو يرجع يوم واحد منها أعيشه ،احمدوا ربنا ع النعمه اللي انتوا فيها ،وأنا كمان بحمد ربنا إني كان معايا فلوس أتعالج وعملت عمليتي الأسبوع اللي عدى ده ف حين إن ناس كتير مش معاها فلوس تتعالج وحالتها أصعب ،أنا شوفت حالات كتير أصعب من حالتي وحمدت ربنا على كرمه ورحمته بيا،اه زعلانه وحزينه وقلبي واجعني لكن بحمد ربنا إنه أكرمني وواثقه ف عوضه هيكون جميل ،لازم نبص دائمًا للي أقل مننا مش للي أعلى،للي أقل صحه،للي أقل مال،للي أقل سعاده لأن لو بصينا للي أعلى عمرنا ما هنرضى ولا قلبنا هيعرف يرضى أتمنى تدعولي ربنا يصبر قلبي ويراضيني ويجزيني خير ع اللي مريت بيه وأنا ف النهايه مش بتفه من وجعكوا لكن بفكركوا إنكوا متزعلوش وتحطوا ف بالكوا إن أي حاجه غير الصحه والأهل ف ستين داهيه فداكوا كل حاجه يارب قلبكوا ميشوفش الوجع ولا تعانوا ف حياتكوا ولا تتعبوا خالص وربنا يفرح قلوبكم ♥️ ...عرض المزيد

17 الدعم

1 نصيحة

ليلة القدر فاتتني ومتدايقه.. ليه ربنا مش بيستجيب؟

اولا حاسه ان ليله القدر فاتتني و متدايقه اوي ثانيا ديما جوايا ان ربنا هيقبل كل الناس ومش هيقبلني معرفش انا ايه الوصلني للشعور دا ولیه معنديش يقين كبير و ثابت بان ربنا هيستجبلي ديما بدعي موضوع دا يتحل بس مبيتحلش... ادعولي 🥹 ...عرض المزيد

7 الدعم

5 نصيحة

الدعاء بيغير الأقدار.. متنسوش رب المعجزات!

الدعاء بيغير الأقدار اللي نفسه في حاجه ميتكسفش ويفضل يلح بيها ويطلبها في كل صلاة سواء حد نفسك تتجوزوا أو مكان نفسك تروحوه أو كلية نفسكوا تدخلوها والله مهما كنتوا شايفين أن الامنيه دي مستحيلة متنسوش أن ليكوا رب المعجزات ومفيش حاجه مستحيله قدام عظمته ف خلوا عندكوا يقين بدعوتكوا وخلوا عندوا يقين وثقه في الله أنها هتتحق وانتوا بتدعوا وربنا هيكرمكوا بجد لكن لو متحققتش اعرفوا أنها مكنتش خير ليكوا واحنا اكيد مش هنبقى عارفين وهنزعل وهنضايق بس بعدين ربنا هيوعضنا بالاخير منها وهنعرف قد ايه ربنا لطيف بعباده أنه بيختار ليهم الاحسن ليهم وحياتهم كلها بين أيديه هو بس ف متعلقوش قلبكم غير بمحبه الله عز وجل وادعوا كتير اووويي في كل ركعه في كل صلاة في كل قيام ليل في كل قطرة مطر في كل وقت ( ادعوني استجب لكم) ربنا سامع دعواتكم كلها بس مجألها لوقتها المناسب أو اللي انت او أنتِ بتدعي بيه شر ف شايل ليك أو ليكِ الافيد والاخير منها ف متيأسوش ابدا وافضلوا ادعوا حتى لو جات بعد مدة اوعوا تيأسوا واحب افكركوا بسيدنا يعقوب قد ايه كان عنده يقين أن سيدنا يوسف هيرجع وعيناه ابيضت من الحزن والبكى على ابنه بس بردو فضل عنده يقين أنه هيرجع ف خدوا القصه دي عبرة في حياتكوا أن مهما كان مستحيل فهو مش مستحيل على ربنا . وبما اني بتكلم عن الدعاء ف ادعولي بظهر الغيب فضلاً ولكم بالمثل 🤍. ...عرض المزيد

11 الدعم

1 نصيحة