بحب واحده وهي كمان بتحبني، بس انا عارف كويس اننا مينفعش نتجوز لاسباب كتير منها اجتماعيه ومنها مستوى ومنها اهل ومنها ومنها ومنها امبارح لظروف معينه اتحطينا مع بعض انا وهي وكنا بنتناقش ف ان كل واحد بيفكر ازاي ف الارتباط وكانت هي اللي فتحت الموضوع وانا اكدتلها ان الارتباط مش ف دماغي الفتره دي خالص عشان ابعدها وانا عارف انها مش هتفهم دا وهتفهم انه مجرد كلام. ومن ساعتها وانا الحوار دا بيلف ويدور فدماغي. ليه الناس بتفكر الراجل اللي يعمل كدا انه جبان رغم انه واقعي جداً وبيفكر بالعقل والمستقبل بيقول ايه. وانه الحب دا ممكن يكون بتاع اللحظه ولو جينا للمستقبل هيكون حاجه ضد مصلحتنا!! فنفس الوقت فيا جزء مغفل متعلق بيها. بحاول ابعد بس هي بقت اغلب صحابي تقريباً. اتمنى لو حد هيرد يرد باحترام عشان انا بطلع اللي جوايا عشان أفضي اي مشاعر ناحيتها ف الكتابه اللي بكتبها دلوقتي..

زى ما انت حسيت بمشاعر ناحيتها (رغم إنها مش الشخص المناسب ليك على كلامك) بس هى كمان حست بمشاعر ناحيتك…. اية الأرض المشتركة اللى جمعتكوا سوا؟ إنكوا تقريبًا أقرب صحاب لبعض طيب افترض وتخيل معايا يومك من غيرها ممكن يمشى ازاى… تانى انا بقول تخيل انتوا الإتنين هتتأذوا جامد لو مفيش حد منكوا حط حدود للعلاقة بشكل مباشر وصريح وفالحالة دى الألم اللى هتحس بيه أخف بكتير من إنكوا تكملوا مع بعض وكل واحد متعلق

انا غلبانه وبحب اساعد الناس زيادة عن اللزوم🙂

Q: أغرب فترة عيشتها.. مش حاسس بالسعادة ولا بقدر أواسي حد

الفتره ديه اه مش اصعب فتره مريت بيها بس اقدر اقول انها اغرب فتره عيشتها مليون شعور وإحساس، انا كويس فعلا الحمد لله بس مش سعيد مش لاقي السعاده فيه اي حاجه بقیت حاسس طول الوقت اني فاضي من جوا معنديش شي حلو مش حاسس ان في حاجه ممكن تبسطني اول مره اكون فاقد السعادة تماماً ومش عارف الاقيها اقدر اقدمه لحد، ولا بقيت قادر اكون مع حد ولا اسمع مشاكل حد او اخفف عن حد مع اني اکثر انسان ممكن تشوفه بيعرف يواسي ويتكلم ويدي طاقه للي حوليه بس بقالي فتره معنديش مشاعر ولا بقيت بحس مبقتش بحس غير اني تايه و حقيقي يا بخت اي حد مش حاسس انو تايه

Avocado_20597 🇪🇬's منشور

Avocado_20597 🇪🇬

منذ 10 أشهر

شعور لا مبالٍ

انا بحس والله اني غلبانه اوي مش عارفة بس هو عادي اني ابق عاوزة اساعد الناس كلها عاوزة اسمع مشاكل كل الناس واحلها اي حد غلبان في الشارع بديله اكلي ..ولما كنا في مصيف واحد كبيرر مش كبير اويي يجيله 30سنه كان قاعد حزين قدام البحر وكنت عاوزة اروح اقعد جمبه واشوف اي ال مزعله واساعده بس اكيد محترمه اهلي..انا حاسه اني بقيت اوفر اوي صح حد قالي كده🙂 وحد قالي انتي طيبه اويي وطيبتك ديي هتوديكي في داهيه وفي الاخرر هترجعي تعيطلنا🙂

لا يمكنك رؤية أي نصيحة على هذا المنشور لأن الناشر اختار تلقي النصائح بشكل خاص. إذا كنت ترغب في مشاركة نصيحتك، ببساطة اكتبها في المربع أدناه.

التجربة أفضل عبر التطبيق

حمّل تطبيق توهيل على هاتفك لتجربة أسرع