مش لاقي حل وحاسس بضياع في حياتي

Question

انا اول مره ادخل ع الابلكيشن ده و حقيقي انا حاسس ان ده بيقلل من كرامتي اني اعمل كده بس مش لاقي حل .. بس انا شاب عندي ٢٤ سنة فاهم اني ف مرحلة انتقاليةف حياتي و اني مشتت ولسه صغير  .. بس انا امي مش معايا و محستش احساس الامومة ده خالص و دايما كل البنات اللي بحبهم او بيبقى فيه بينا علاقة مش بيستحملوني وده لاني بديلهم كل حاجه بزيادة عن اللزوم ومستني منهم بزيادة عن اللزوم .. اتمنى حد ينصحني ايه اللي ممكن اعمله و ايه اللي ممكن اغير بيه من طريقتي لو غلط

Coconut_68392 🇪🇬 · Accepted Answer

انك تعترف بالمشكله اللي عندك وتواجهها وتحاول تصلحها دا عمره ما يقلل منك بالعكس دي حاجه تحترم عليها جدا 
حاول تقلل سقف توقعاتك من اي علاقة بتدخلها لان الانسانه اللي هتكون معاك هي خطيبتك او زوجتك فيما بعد ان شاء الله مش والدتك واللي هتاخده مختلف عن والدتك تماما + حاول تلجئ لثيرابي يساعدك فكل دا بعد ربنا طبعا
وربنا يوفقك ويراضي قلبك يارب♥

Lemon_69375 🇪🇬 · Answer

انت بتدي كتير لأنك بطبيعة الحال داخليا محتاج حد يديك نفس ال بتقدمه،فانت مقتنع انك عشان تاخد لازم تدي ف أنا هدي كتيير  عشان ال ادامي يمكن يحسن علي دمه و يطلع جدع، بس مع الأسف ده مبيحصلش.
جيالك من المستقبل و بقولك ان حتي لو ادوك ال انت بتديه مش هتحس انك راضي، لأن المشكلة أعمق بكتير، الحل انك تدي نفسك الاحساس ال انت بتفتقده، و بعدها هتعرف تتقبله من الناس، و ده صعب جدا.
هي رحلة تعافي طويلة، بس ضرورية.

Sugar_69384 🇪🇬 · Answer

انت يا اما هتتعرض لاستغلال. ..  يا اما انت منزل البوست دا الصيغه دي عشان تصطاد واحده محتاجه اهتمام نفس اللي انت منزل عنه تستغلها انت

Lemon_69366 🇪🇬 · Answer

يعني يوم ما هصطاد .. هصطاد من هنا ؟ 
وبعدين بلاش حكم حضرتك ربنا ما يجعلك تشوف اللي بنشوفه