أنا بعمل حاجات سيئة ومش عارفة ليه

Q: ليه الخيال أحلى من الواقع وأنا عايش في سجن الأفكار؟

هوا انا ليه حاسس دايمًا إن الخيال أحلى من الواقع ؟ عندى تأنيب ضمير من حتة إنى ببقى عايز اهرب من الدنيا بأى طريقة حتى لو هلعب ماتش كورة أو اسمع أغانى قديمة أو اشغل نفسى بحاجة المفروض مشغلش نفسى بيها لإنها حرام.... المهم إن كل ده سببه هروب من واقع عندى نكران كبير لكل حاجة بتحصل وكإنى واقع على دماغى فى فخ المثالية وإن ليه ميكنش بيحصل الصح لما الغلط بنشوفه قدام عينينا ليه بنسكت ؟ ليه مش بيكون عندنا رد فعل ؟ ساعات بكتشف إن برودى بيزيد فى كل موقف المفروض كنت أتكلم فيه بس متكلمتش، لإن خيالى هو اللى بيسكتنى انا مبقتش عارف اعيش حياتى طول ما بتخيل بالمنظر ده حاسس إنى جوا سجن أفكار مسمومة نظرتى للحياة والدنيا محتاجة تتغير بس الناس كمان لازم تتغير! انا مبقتش عارف العيب فيا ولا فالناس ولا فالفون اللى ماسكه فإيدى ده هوا انا كلامى ملخبط صح ؟

Question

أنا بعمل حاجات سيئة جدًا و انا عارفة إنها كده و محدش يعرف عني كده و مش عارفة انا بعمل كده ليه في الحقيقة انا شخصية محبوبة و كل اللي حواليا بيحبوني بس انا مش فاهمة انا ليه بعمل كده

Strawberry_11974 🇪🇬 · Accepted Answer

ربنا يعفو عنك وعننا يا حبيبي كلنا بنخطئ وربنا سترها وربنا يسترها ولا يزيل عننا غطاء ستره .. نحاول نجاهد نفسنا ونصلح من نفسنا وربنا يهدينا جميعا يارب 💚

Watermelon_16753 🇸🇦 · Answer

بتعملي ايه بقي😀

Cookies_13746 🇪🇬 · Answer

طالما ربنا سترك مش لازم تعرفي النا حاولي تعرفي ايه الحاجة الوحشة واشتغلي على نفسك واحدة واحدة هتبقي احسن🤍

Avocado_16747 🇪🇬 · Answer

الشيطان بقا يا جيرمين

Cherry_16752 🇪🇬 · Answer

انا مرتبطة ب شحص و بحبه اوي فعلا بس في نفس الوقت بكلم شخص تاني انا مبحبهوش و مش عايزة احبه بس مصرة اخليه يحبني و انا بجد مش عارفة انا بعمل كده ليه صحيت لقيت نفسي في ورطة و مش عارفة اعمل ايه و كل اما اجي ابعد عن الشخص التاني ميبعدش

Watermelon_16753 🇸🇦 · Answer

اختاري الاتنين

Cherry_16752 🇪🇬 · Answer

مش عارفة حقيقي ربنا هيسترني لحد امتى عشان انا بقالي سنين على الوضع ده بحد مش عارفة ده فراغ ولا ايه ربنا يهديني يارب

Strawberry_11974 🇪🇬 · Answer

ربنا يهديكي يارب عاجلا غير اجل ويهدينا جميعا .. بس الافضل مكنتش تقولي اي الحاجه السيئه اللي بتعمليها علشان كدا بقى جهر بالمعصية وانتي اهو بتقولي ربنا سترك ف ماينفعش تقولي

Apple_14649 🇪🇬 · Answer

انت لو بتعملى كدا فعلا غلط ممكن تعرفى الشخص التانى ان فى حد ف حياتك وهو هيبعد لكن الى انت بتعمليه ده حاجه وحشه اوووى ولو الشخص التانى عرف عن اى طريق شكلك هيبقى زباله اووى

Cherry_16752 🇪🇬 · Answer

عندك حق انا فعلا مقصدش بس انا بحاول اعرف لو انا عندي عقدة او كده مخلياني بتصرف التصرفات دي عشان انا حاولت كتير احل و كل مرة بفشل

Strawberry_11974 🇪🇬 · Answer

حتى لو بتفشلي تحاولي مره واتنين وتلاته وعشره لازم نحاول نتوب كل يوم وكل دقيقه بس ما نسيبش نفسنا كدا

Cherry_16752 🇪🇬 · Answer

هي مش فكرة شكلي انا ميهمنيش شكلي على قد ما هاممني اني فعلا بحبه و خلاص قربنا جدا يبقا في بنا حاجة رسمي الشخص التاني ده نمت صحيت لقيت كده و قبل كده زمان اتعرفت على شخص بنفس الطريقة و انا حسة اني عندي مشكلة نفسية مخلياني مؤذية بالشكل ده

Cherry_16752 🇪🇬 · Answer

نفسي اروح اقولهم الاتنين على اللي حصل نفسي امشي و اسيب كل ده و ارجع بريئة زي ما كنت انا كنت بريئة جدا زمان و للاسف الناس شيفاني بالبرائة دي بس انا مش زي ما ببان و دي حاجة مؤلمة جدا حسة اني متلغبطة و حياتي باظت من ساعة ما بابا مات حسة ان كل حاجة غلط و اني بحلم

Apple_16690 🇪🇬 · Answer

الحل ابعدي عن كلو واقفلي كلو لان كلو باب للشيطان ولا دا يحل ولا دا يحل و صدقيني لما تقفلي من كلو هترتاحي بس الشيطان هيحاول يخليكي تنتكسي تاني وتحاولي ترجعي بس خدي القرار و ابعدي عشان ربنا وعشانك وعشان اهلك وعشان دا حرام فوق كل حاجه

Apple_16690 🇪🇬 · Answer

متقوليش حاجه انتي تايهه ومذبذبه ودا مش حب اساسا انتي مش لاقيه حاجه ف حياتك او حاسه انك تايهه اقفلي كل الابواب دي والغي الاتنين