أنا آسف يا جماعه.. أنا الي وحش 😕

Q: مش تمام جوا.. تعبت من الوحده والمسؤليه

أنا مش عارف مالي بس أنا مش تمام بتعامل مع الناس بوش مبسوط و funny بس أنا من جوا مش تمام موجوع من مسؤلية كبيرة محطوطه عليا وتعبت من كوني لوحدي طول عمري صاحب الكل ومحدش صحبي أنا روحت الشغل النهارده بالمناسبه أنا ٢٥ سنه وبصمت حضور وروحت ف حته بعيده ف المبني اللي شغال فيه محدش بيروحها فضلت قاعد لوحدي من الساعه تسعه ل اربعه ومليش مزاج ارد ع حد ولا اتعامل او اشوف حد تعبت منهم من كوني مهتم بتكوين معارف معاهم وهما مش فارقلهم غير حوارات تخص ارتباط وبنات وبس حتي اللي سال عليا ورديت قولت اني مش كويس مش الرد التقليدي اني تمام وكده مهتمش يعرف ليه او فيه ايه أصلا

Q: مش قادره على لحظات الوداع وهواجس الفقد

حاليا كنت بعمل أكتر حاجه بكرهه ف حياتي وأتقل حاجه علي قلبي وهي إني أودع حد قريب مني او من حبايبي عموما حتي رغم معرفتي أني مش هبعد عن الشخص دا ورغم معرفتي إني بإذن الله هشوفه تاني بس الشعور ديما بيكون فوق طاقتي وخصوصا أني عند تروما من الفقد أو البعد ودا مسبب ليا هواجس طول الوقت مش بقدر اعمل ليه إسكيب لحظات الواداع عامة مهيبه حتي لو نهائي أو مؤقت مش عارفه اعمل أيه غير كم رهيب من العياط ، ربنا يرزقني التخطي ويحفظ أهلي وأحبابي من كل سوء يارب ويرجعلي حبايبي ليا بألف خير وعافيه آمين )" 🖤🦆

Q: نفسي أفقد الذاكره ومتخطيتش الأذي اللي مريت بيه

بحس كتير ان نفسي افقد الذاكره لاني متخطيتش حاجه فاتت ولو حكيت مش برتاح و متعافتش من الاذي و كل حاجه مريت بيها مأثره عليا و مش بنسي الشعور الحسيته و كل كلام التقالي معرفش اعمل اي انا تعبت اوي و تايهه اوي و كل فتره بكون اسوء من القبلها