النفسيه محتاجه كلام لطيف ودلع يهون الحياة

Q: شكرًا للناس اللطيفه اللي بتسيب أثر لطيف في حياتنا ♥️

هو أنا ينفع أشكر الناس اللطيفه اللي بتسيب أثر لطيف ف حياتنا وحتى لو مش هيفضلوا بيسيبوا أثر لطيف ويمشوا♥️. شكرًا لأي حد بيسيب أثر لطيف وراه..وشكرًا لأي حد ف يوم قالي كلمه حلوه بفتكرها ف أوقاتي الصعبه علشان أرجع ثقتي بنفسي..وشكرًا علشان كل كلمه حلوه اتقالتلي بفتكرها ف زعلي وأفرح..وشكرًا للشخص اللي قالي أنتِ تعالجي فراشات يليق بيكِ تعالجي فراشات من كتر ما أنتِ رقيقه♥️ بجد شكرًا أوووي لكل حد هنا بيقول كلام يواسي بيه غيره ويجبر بخاطره علشان لولا كلامكوا اللطيف ده مكناش قدرنا نصبر لحظه أو نثق ف نفسنا شكرًا جدًا🥹😭♥️.

Q: بدايات اكتئاب ومش عارفه أنجز أي حاجه في حياتي

السلام عليكم جماعه انا في بدايات اكتئاب ومش قادره اعمل أي حاجه حتى الحاجات المفروضه عليا ونايمه طول اليوم حرفيا عاوزه ألحق نفسي عشان سبب من اسباب اكتئابي اني مأنجزتش حاجه في حياتي و مش عارفه أنجز عشان عندي اكتئاب انصحوني اعمل ايه و المفروض اقاوم ولا اعيش حزني لأني الفتره الاخيره اتعرضت لضغوطات وصدمات كتير و مفيش حد من الحواليا حاسس بيا ولا عارف فيا ايه انا مخنوقه اوي ومليش نفس لأي حاجه في الدنيا (بروح لثيرابست و قالتلي تاسكات اعملها بس والله ما قادره )

Q: ازاي اتعلم اتكلم بسرعة بديهة وأكون شخص لطيف؟

جدعان بجد انا كإنسان مبيعرفش يتكلم او معندوش سرعه بديهه في الرد او في العموم معنديش كلام اقوله ومعرفش ايه اللي ممكن يتقال في الموقف ده مثلا بنبهر كل مره بشوف فيها حد بيعرف يتكلم وياخد ويدي مع الناس وتلاقي كلامه ذوق كده ومحترم وردوده جميله ومصطلحاته في محلها وعنده سرعه بديهه في الرد في اي موقف بكلام يليق علي الموقف ومنغير ميقل من حد لو الموقف محرج وبقعد اقول ما شاء الله اللهم بارك ايه الناس الجميله دي وبيعملوا كدا ازاي والناس اللي بتعبر عن حبها او امتنانها او شكرها للناس بكلمات غير المعروفه وتلاقيها جميله كدا وتهزر من الناس وميبقاش دمهم تقيل وحاجه ياريتني كنت اعرف اتكلم زيك كدا بجد الناس دي بتعملو كدا ازاي يعني ازاي اعرف اتكلم منغير محس بإحراج او لو اتكلمت معكش الدنيا وابقي شخص لطيف كدا وكلامه جميل واعرف الرد في الموقف ده يبقي عامل ازاي هل ده بيبقي مثلا تعود من الطفوله ولا ممكن نكتسب سرعه البديهه و الحاجه دي واحنا كبار عادي وقولولي ممكن احسن من نفسي ازاي..