المخ بيخزن روابط أكتر منه بيخزن أحداث متكاملة، الروابط دي بتكون بين عناصر متخلفة: صوت، صورة، ريحة، إحساس، إلخ بحس بدا مع كل مرة بسمع فيها أغنية مربوطة معايا بمرحلة أو بشوف صورة قديمة لمواقف كنت نسيتها، ساعتها كأن مخي بيستعيد الروابط دي من جديد، هو دا اللي بيسموه نوستالجيا؟ الحنين للحظات مش هنعيشها تاني؟ لأماكن ماعدتش موجودة؟ لناس كل اللي بيربطنا بيهم انتهى؟ لبنات عملتلنا جوستنج من سنين؟ لما دورت عن الحالة دي قريت إن اللي بيتفعل وقتها مناطق في الـ limbic system المسئولة عن المشاعر علشان كدا بترجعلي الذكرى كأنها حاضرة دلوقت، مش كمشهد متكامل العناصر، بالعكس، المشهد مغيم شوية، مشوه حبة، لكن بيرجع كإحساس كامل، كل دا بيتخزن في صور مليانة ذكريات، زمن واقف على شكل صورة، لحظة اتجمدت، كأن المخ بيكمل ملف اللحظة اللي واخد ميجابايتس من موبايل ويزود عليها مشاعر متخزنة معاها فالموضوع بيتحول من كونه مجرد ذكرى، لأني أعيشها تاني، ساعتها بيسيطر عليا "شجن" كأني بعيد تشغيل التجربة مش مجرد ذكرى باردة عناصرها مادية وملموسة

3

1