انا مدايقة جداً من المجتمع الذكوري ده المساواة مش كلام المساواة مبدأ. في مجتمعنا الراجل لما يغلط يقولوا "كان صغير، اتعلم، كبر"، لكن البنت لما تغلط يقولوا "راحت قيمتها". ليه؟ ليه الغلط عند الراجل اسمه تجربة، ولما تبقى البنت هي اللي غلطت يبقى اسمه وصمة؟ ليه بنقيس الراجل بإنجازاته، وبنقيس البنت بماضيها؟ ليه الغفران حق للولد، والعقاب قدر للبنت؟ الماضي مش مقياس لقيمة حد، لأن الكمال مش صفة بشرية. اللي يغلط ويتغير ده مش ضعيف، ده أقوى من ألف شخص ما واجهش نفسه أصلًا. المفروض نفهم إن الإنسان مش غلطة قديمة، ولا حكم الناس عليه، ولا كلام اتقال زمان. الإنسان الحقيقي هو اللي بيقوم من غلطه وبيتعلم وبيبدأ من جديد. كفاية نحاسب البنت على ماضيها كأنها لازم تفضل تبرر طول عمرها، وكفاية ندي للراجل حصانة لمجرد إنه راجل. القيمة مش في النوع، القيمة في الوعي، والأخلاق، والتغيير. المجتمع اللي بيغفر للرجل ويعدم البنت مش مجتمع عادل، ده مجتمع محتاج يتعلم يعني إيه كلمة "إنسان". لأن العدل الحقيقي مش في إننا نحكم بنفس الصوت... العدل في إننا نحكم بنفس المعيار

2

4