موضوع:

الذكريات السيئة

من يومين قولتلكم عن الست اللي جوزها طلقها عشان طلعت عاملة شعرها بروتين وقولت ان دي اخلاقيات الفقر والبيئات الفقيرة قعدتو تقولو ده مالوش دعوة بالفقر ده انسانية ورجولة وبتاع طيب ايه رأيكم ان في قعدة عرفية من قعدات الصلح في بيئة مشابهة ام الزوج واخته ضربو الزوجة علقة موت ومع ذلك اهلها وافقو يتفاهمو معاهم وعملو قعدة صلح والمصيبة ان ام الزوج في القعدة قالت نصا دي واحدة قلبها حامي على ابني وشقاه دي بتاكل ٣ طقات مبتفوتش طقة لو كان قلبها عليه كانت تستكفى بطقة ولا اتنين انما بتاكل ولا هاممها الفقر هنا خلى الناس باصين لبعض على لقمة او طقة اللي غالبا هتكون لقمة بجبنة ولا طعمية وحتتين بتنجان الاسرة دي لو كانت ميسورة كان زمان التلاجة مليانة وبنرمي اكتر ما بناكل لازم نقتنع وندرك ان الفقر بيغير في سلوك الانسان وخصوصا مع امتهان كرامته فبيتدنى اخلاقيا لحد ما يوصل للحضيض ونشوف اب بيعذب ابنه عشان كل بيضة وام مكتفة بنتها ٣ ايام بجنزير عشان كلت حتة فرخة كانت مخبياها لجوزها القصص دي وغيرها جمعتها في فترة الماجستير عشان كنت مخططة اعمل كتاب عن اثر الفقر على اخلاقيات المجتمع بس كالعادة مش لاحقة حبايبي اعزائي الفقر مش بس فقر فلوس في فقر نفسي مرعب اكتر من فقر الفلوس ياما ناس غلابا بس راضيين وعارفين يرضو ولادهم ونفوسهم سوية وسعيدة في مرض خطير اسمه الخوف من الفقر. ده بيخلي واحد صاحب ملايين يخبي من عياله الاكل ويعد عليهم اللقمة وفي الحرمان العاطفي والكبت وترومات الجوع بتخلي البني آدم وحش وتطلع اسؤ مافيه

0

0