من يومين سألت سؤال و طلب منكم المشاركه و ناس كتير بعتتلي فعلا السؤال كان ايه الفرق بين الطموحات و التوقعات؟ و الاجوبة كانت مختلفه بس خليني اقول وجهه نظري الطموحات دي الحاجت اللي انا بخطط اني اوصلها بمعنى اصح هدفي الكبير او حاجه نفسي فيها او عاوز اعملها يعني مثلا اني يبقى عندي شركتي و الڤيلا بتاعتي و عربياتي و الشالية بتاع الساحل الحلو الجميل ده ابو ٩٠٠ مليون 😂 و حاجات من دي طيب التوقعات بقى و هي دي سبب اغلب المشاكل النفسيه اللي عندنا انا بشوف انها عباره عن توقعنا احنا عن إمكانيه الوصول للطموح ده يعني ايه؟؟ يعني طموحي اللي انا لسه كاتبه فوق ده انا شايف اني اقدر احققه بنسبة قد ايه ؟ كل ما النسبة دي تزيييد كل ما انا هتعب اكتر نفسيا و هحس بالفشل الذريع كل ما ابص على نفسي و احس اني مش بتحرك لكن لو انا حددت طموحي و عملتله خطه مهما كانت صعبه انا مش مطلوب مني اقفل اللعبه و انا عندي ٣٥ سنة ولا ٤٠ سنة و البيعه بتاعت السوشيال ميديا اللي بتحسسنا ان كله سهل عيال كتير ماسكه ملايين و شقق في مدينتي و عربيات وبتاع دي بيعه كدابه دي مش حقيقه المهم حط طموح كبير و رتبله صح و اسعى و اتحرك ناحيته بكل قوه بس ارجوك خلي توقعاتك صفر خصوصا في بلدنا دي انا بتكلم على مصر ليه علشان ببساطه لو انا نازل من بيتنا مسافر اسوان بالعربيه مشوار الف كيلو يعني و حاطت في بالي انه ايه المشكله سهله جدا ما كل الناس بتروح اول مطب او خازوق هيحصلي هترب و الجنيا هتبوظ لكن انا نازل عامل حسابي اني مش هوصل انا بحاول بس و يعدي وقت والاقي نفسي في المنيا تعبت أكيد تعبت بس مش عطللن ده كويس انني هنا تعالى نزوق كمان حتة بقينا في سوهاج والله زي الفل نزوق كملن حتة بقينا في الاقصر اظن خلاص انا سهل اوصل اسوان حمدالله عالسلامة 😂😂😂 اركن حقيقي عقولنا بتلعب علينا جامد لكن ممكن ببساطة نضحك عليها علشان انا اللي بسيطر مش هو ياريت اكون قدرت افيد حد

6

1