العريس كان تمام بس محتاجه أشوفه أكتر لاخد قراري

Strawberry_70590 🇪🇬

منذ أسبوعين

شعور مرتبك

العريس كان تمام و مبسوط و ف اخر القعده قولتله بصراحه انا مرتاحة بكلمك بصراحه بس انا محتاجة اشوفك اكتر عشان اقدر اخد قراري هما مردوش تاني يوم خالص (معرفش هل هما بيسالو علينا ولا ايه ) هو مكانش المفروض اريحه صح؟ بس انا كنت بتعامل ب عفوية و انا لسه مش متاكده بنسبه ١٠٠٪؜ و بردو هما ناس غريبة شويه كنت سمعت انهم رفضو عروسه عشان بيتهم عفشه قديم مش متجدد و بالصدفة سالنا بابا هو كان ب جانب شغله الاساسي هو مدير مدرسة ابتدائي عندنا محل صغير ساعات بيصلح حاجات او ساعات يروح بيت يظبط حاجه ف الكهربا ف كان راح بالصدفه لحد من اخوات العريس و هو عارفه ف هل دا ممكن يبقي سبب يرفضو عشانه!! اخر حاجه انا عادي مش فارقلي انا واثقه ف نفسي و اهلي انا دكتورة و اهلي ناس طيبين بس بتسآل باريت تقولو رايكن ف كل نقطة

صحبتى بتتجاهلنى عشان بنت تانية وانا متحطمة

كان عندى واحدة صحبتى بحبها جدا هى حرفيا اهم حد فى حياتى بقالنا 6 سنين صحاب بس من كام شهر بقى فى بنت تانية ديما معاها و لما بنكون مع بعض بيفضلو يتكلمو ولا كأنى موجودة و كمان البنت دى ديما بترخم عليا فى الكلام و صحبتى عارفة انى مش بحبها و ببقى متضايقة فى وجودها لانها كمان عملتلى مشاكل كتير اوى زمان و لما صحبتى بقيت تتجاهلنى اوى لما هى تكون موجودة بطلت اتكلم معاها و كعادتى قررت انسحب بقيت بتبقى واقفة جمبى و حرفيا كأنها مش شايفانى و فى مرة واحدة صحبتنا تانية كانت عايزة تصالحنا و هى وقفت تتكلم معايا و كان معاها صحبتها التانية دى و مش عارفة اوصف قد ايه كلمها كان صعب و هى بتوصفلى قد ايه هى شيفانى شخصية متملكة و عايزة اتحكم فيها مع انى بجد مش كده خالص و سمعت كلام بجد وحش جدا سواء منها او من صحبتها بعد كام شهر بعتلها مسدج انى مش عايزة اخسرها و مقولتش غير كده فهى ردت عليا و كنا بنتعاتب و فى وسط الكلام قالتلى انتى خايفة ان انا احبها هى اكتر منك و ابعد عنك بس انا مش عيلة علشان اعمل كده ممكن تبان جملة عادية بس بالنسبالى كانت لا لانى فى الحقيقة معنديش اى ثقة فى نفسى و بحس ان اى حد ممكن ياخد مكانى عادى و هى عارفة كده كويس و كمان قالتلى هو انتى عايزانى لنفسك و بس فيما معناه انى متملكة زى ما قالتلى قدام صحابنا قبل كده و بجد انا مش كده خالص و هى متاكدة من كده انا بس كنت بعتبر انى مميزة عندها زى ما هى كانت اكتر حد مميز بالنسبالى المفروض بعدها اننا بقينا نتكلم بس بقيت تتعامل معايا ببرود اوى و ابقى بقولها على حاجة انا متحمسة اننا نعملها مع بعض فهى تقولى مليش مزاج و تتجاهلنى لحد ما رجعنا تانى مش بنتكلم خالص امتحاناتى بعد اسبوع مش عارفة اذاكر ولا اركز فى اى حاجة من كتر التفكير كنت من زمان نفسى ابقى مهندسة بس حاليا شايفة اكتر حاجة بتمناها و هى بتضيع منى و انا بتفرج ...عرض المزيد

0 الدعم

9 نصيحة

ليه دايماً بيتقابل طلبي للجواز بالرفض؟

انا اتقدمت لأكتر من واحده ودايما الموضوع بيتقابل بالرفض معرفش ليه انا الحمدلله ملتزم وبصلي الوقت بوقته وشغال في وظيفة كويسة وعندي دخل ثابت وتعليمي كويس بس اتقدمت لتلاتة والموضوع بيتقابل بالرفض بقيت حاسس بقلة ثقة في النفس رهيبة مع ان شكلي كويس الحمدلله بس مش عارف المشكلة فين ...عرض المزيد

7 الدعم

9 نصيحة

بقيت اقول لا عشان محدش يستاهل تضحياتى

كنت الاول لا دلوقتى بقيت اقول لا،مش مناسب معايا،مش هقدر... ايه السبب ؟ عرفت ان محدش يستاهل ابدا ابدا اعمل حاجه ضد رغباتى علشانه واللى عملته مره علشان اتكسفت اقول لا فجأه بيبقي حق مكتسب ليهم وهكذااا ...عرض المزيد

2 الدعم

2 نصيحة