الظروف ما سابتش حد فينا ما غيرتوش

Cookies_59145 🇪🇬

منذ 3 أيام

شعور ضائع

الظروف ما سابتش حد فينا ما غيّرتوش كلنا اتغيّرنا، أولوياتنا اتغيرت مفاهيمنا اتغيرت أسلوبنا اتغيّر دعواتنا اتغيّرت حتى مقامات الناس في حياتنا اتغيرت الكام سنة اللي فاتوا دول اتكفلوا بتغيير كل حاجة في حياتنا لغاية ما وصلنا للنسخة اللي إحنا عليها دلوقتي واللي مع الوقت هتتغير برضو "

الأزمات بتعلمنا وتقوينا وتبيننا مين بجد

مفيش حد ما بيعديش على أيام تخبطه وتهزه، بس الحقيقة إن كل أزمة بنمر بيها بتشكّل فينا حاجة، بتعلّمنا، بتقوّينا، وبتورينا إحنا مين بجد. أوقات كتير بنفتكر إن الدنيا بتعاندنا، بس يمكن هي بتحاول تخلينا نبص جوانا، نكتشف قوتنا اللي كنا ناسيينها. المشاكل مش دايمًا علشان تكسرنا، ساعات بتكون علشان تغيّرنا، تبني جوانا نسخة أنضج وأهدى. وافتكر دايمًا إن التعب النفسي مش ضعف، ده إنذار إنك محتاج تهدي، تسمع نفسك، وتطبطب عليها. خد وقتك متستعجلش الشفا، وخليك طيب مع نفسك زي ما بتكون طيب مع غيرك. وكل ما تحس إنك مش قادر، افتكر قد إيه عديت قبل كده حاجات كانت أصعب، وإزاي رغم كل ده لسه واقف. الموجة مهما علت، هتهدى. والغيم مهما كتر، هيتشقّ ويبّين النور. خليك مؤمن إن الجاي مش بس أحسن... الجاي ممكن يبقى البداية اللي تستحقها فعلًا.💗 ...عرض المزيد

2 الدعم

4 نصيحة

حياتي بقت باهتة من غيرها.. بس مش عارف أنساها

عارف الشخص اللي بيدخل حياتك بيشقلبها : انا شاب في منتصف العشرينات طول عمري طريقي زي معظم الشباب سهر بنات معصية ارتباط وقابلت بنت غيرت كل حاجة في وقت قصير اوي حبيتها اوي لدرجة اني اتصلت بوالدها وطلبتها منه رغم اني متأكد من رفضه لأن ظروفنا المادية مش متشابهة هي في أحد الكليات الخاصة وبتدفع مبلغ سنوي انا مش بقبضة أصلا ف رد والدها المنطقي العاقل الرفض الحتمي لكن هي غيرتني وأثرت فيا جامد اوي اتحولت من شخص مبيصليش لشخص ملتزم في الصلاة من كل تفكيري أكلم دي واحب دي لشخص ناضج فكرياً ومن شخص كل همة انه يخرج خروجة حلوة علي القهوة لشخص بدأ يحفظ قرآن والحمدلله خلصت حفظ سورة البقرة كاملة بس مشكلتي اني حاسس اني باهت كل حاجة غامقة من غيرها حاسس اني بموت بالبطئ الحياة لونها باهت ونفسي انساها بس مش عارف ...عرض المزيد

4 الدعم

3 نصيحة