موضوع:

ما أكثر شيء ساعدك تتجاوز مرحلة صعبة في حياتك؟

الطاف الله ..مفيش غير ربنا والله وقت كورونا بابا تعب فجاة واحنا كلنا في البيت اتعدينا من بابا ..فجاة بابا تعب اوي ودناه المستشفى وبعدين مستشفى تاني واحنا اصلا انا واختي وماي تعبانين جدا بس كنا قدام المستشفى طول الوقت .. بابا اتصل بينا من المستشفى صوته كان صعب مكنتش متعودة اسمع صوته كدا وقتها جالي حالة انهيار .. كنت بعيط زي الاطفال لان كلنا تعبانين بعيط اكتر لان بابا في المستشفى مش عارفين نشوفة بين التعب والخوف روحنا نعلق محاليل ورجعنا البيت الفجر عرفنا ان بابا مات .. يومها كان بداية شخصيتي الجديدة الكل كان منهار بس ربنا اداني قوة قدرت اشيل الكل كانوا تايهين ومحدش مستوعب بس ربنا اداني القدرة اعرف اتعامل شوفت بابا في تلاجة الموتي وركبت معاه عربية الموتى بابا كان جسمه ناشف وركب معاه بيبي صغير عشان يدفنو سوا بابا ادفن في لحظة في نفس اللحظة دي كل شئ اتغير كل الناس اتغيرت كله مشى وسابنا ماعدا كام حد يتعدوا على الايد الواحدة واحنا اصلا ماما وانا واختى ليلتها نمنا احنا التلاته في حضن بعض مكناش بناكل ولا حاسين بحاجة بس ربنا كان مقويني ماما تعبت خوفت يحصلها حاجة بس من كرم ربنا الدكتور لحقها في عز حزني ع بابا فرحت لنجاة ماما الوضع في البيت مكانش طبيعي ابدا مكناش مصدقين بابا مات وحاجات كتير اتغيرت مش فاكرة ان فيه حد طبطب علينا وقتها كله رجع لحياته بسرعه من وقتها اتعلمت اننا مش محتاجين لحد ربنا موجود كل شئ كان فيه تيسير غريب وربنا يسخرلنا ناس تخلصلنا كل مصالحنا كل حاجة كانت سهلة ولحد دلوقتي ربنا شاملنا بعطفه ومش حاوجنا لحد بيدينا قوة غريبة كأننا رجالة مش بنات ساترنا ستر جميل ومش حارمنا من حاجة داخلين ع ٥ سنين من ساعة وفاة بابا وربنا لسه شاملنا بعطفه ماما لما بتزعل وتقول هو مش فيه حاجة اسمها واجب بقولها احمدي ربنا اظهرلك الي في قلوب الي حواليكي وفي نفس الوقت مش مخلينا محتاجين لحد فانا مش ممتنة الا لله بحب ربنا جدا مشاعرى لربنا كلمه اكبر من الحب مكنتش متخيلة ان ممكن نمر بمصيبة زي دى ونقوم منها ونكمل قلوبنا وجعانا ومش بتخف بس ربنا ساندنا والغريبة اني بفهم رسايل ربنا وبستشعر رحمته بينا فالحمدلله ان لينا رب كريم واسع كافي 🩷

1

6