Waffle_13494 🇪🇬
منذ 8 أشهر
.
شعور مذنب
لو هتسألوني عن السعاده الحقيقيه واحساس الراحه ال بجد وان حد يكون بيطبطب على قلبك وانت ف عز وجعك .. هقول عن اني اديلي فترة تعبانه ومنهكه نفسيا اوي وخايفه من كل حاجه وتعبانه اوي من كل حاجه حواليا .. برجع بليل قبل النوم زي ال راجع من معركه وخسر فيها كل حاجه وببقى عايزه الحق السرير عشان اعيط لحد م انام بعد تماسك زائف طول اليوم .. بس كنت بشغل قرآن جمبي قبل م انام عشان يطمني ومحسش اني لوحدي .. ف لما اكون خلاص هنهار وتشتغل اقرب آيه ل قلبي والمفضله ليا بجد .. "و إذا سألك عبادي عني فإني قريب اجيب دعوه الداعِ إذا دعانِ" .. لمدة يومين نفس السياناريو بيتكرر واول م اقرر هنهار اسمع الآيه دي بالذات !!! متأكده انها مش صدفه ..ومتأكده انها مش سهله أبدا.. كفايه ان ربنا رحيم بيا حتى وانا مقصرة وانا بعيد.. عمرها م كانت سهله والله .. هو بس انا مش لاقيه كلام اوصف بيه جمال ورحمة ربنا ومتأكده انه مش هيضيعني ولا هيخلي حاجه توجعني تاني .. متأكده انه جمبي وانه اقربلي من ما اتصور .. ومتأكده اويي انه مش هيرجعني تاني للفترات ال اتخطيتها بصعوبه وكل ال بيحصل دا اخره جبر والله ❤️🩹❤️🩹❤️🩹❤️🩹❤️🩹❤️🩹❤️🩹"
14
4
