⛔ الرجالة ممكن تفيدني أكتر واحد صاحبي عارفة من أكتر من 10 سنين و حرفياً أخوات من ابتدائي و حتي في الجامعة دلوقتي مع بعض في عداوة بينا و منافسة طول الوقت في ألعاب مثلا و كده المشكلة ساعات بيرخم في الهزار لما نبقي في قعدة و فيها ناس كتير رجالة و بنات و يقول افيهات مش مضحكة بس تقليل مني و خلاص زي مثلا الموقف الأول : واقفين أنا و هو مع واحد معرفوش ولا يعرفني و هو لسه عارفه من شوية أصلا و واحدة بنشوفه كل فين و فين و بنهزر علي الشعر يقوم قايل علي شعري قدامهم هو ده شعر ده شعر بتاعي أحلي الموقف التاني : واحدة يعرفها أول مرة أشوفها و تشوفني بيعرفنا علي بعض يقلها ده أخويا المتوحد مبيتكلمش خالص عشان مبتكلمش كتير مع الناس الغريبة و هو اجتماعي يعني الموقف التالت : قاعدين بنلعب لعبة مع شلتنا في الجامعة رجالة و بنات و واحد و واحدة موجودين ولا أعرفهم اللعبة المفروض كلنا عارفين شغلانه و واحد في اللي قاعدين ميعرفش حاجة و المفروض يتقفش ف بنقعد نسأل في اللي شاكك فيهم ف كان المكان مسرح لقيته بيسألني و فاشخ بوقه أنت اشتغلت هناك قبل كده قلتله لأ ب استغراب قالي غريبة أصلك كلاون و محدش ضحك حرفياً الموقف الرابع : كان أول إمبارح خارجين في مكان مع شلة و معانا برضه واحدة معرفهاش ولا تعرفني و المكان مفهوش حاجات كتير و كلها غالية كده كده فطلبت مانجا و خلاص أول ما عرف بيسألني أنت عمرك شربت مانجا برا قبل كده و بيضحك قلتله مبحبش أشربها برا أصلا ف أنا هشوفه كمان يومين أقله علي البيض اللي بقاله حبه بيعمله ده ف أقوله ايه أحنا أخوات كده كده بس مش عايز ابقي غشيم و اخسره برضه

3

6