اكتشفت إن لما حد يزعلني أكتر من مرة، أو يتصرف معايا بمواقف تضايقني وتكسرني… بيبدأ يبني جوايا حواجز… حواجز مش باختياري، بس بتتبني لوحدها، واحدة فوق التانية. وأنا بتعامل، بس كل مرة بحذر أكتر… بقلب أبرد… وبمشاعر أقل. لحد ما في لحظة بلاقي نفسي مش قادر أتكلم معاه، مش قادر أشاركه حاجة، ولا حتى أشتكي له من حاجة… ببقى حرفيًا شايفه، بس مش حاسس بيه… بقعد أفكر كتير قبل ما أبعتله، وقبل ما أرد عليه، وأحيانًا… ما بقاش عايز أتكلم معاه خالص. واللي بيكسرني بجد… إني ما كنتش كده، أنا كنت بفتح قلبي على آخره، كنت بحكي بكل تفاصيل يومي، كنت بحس إن وجوده أمان… بس خلاص… لما الألم بييجي من نفس الشخص كذا مرة، المشاعر بتقل، والكلام بيقل، والحواجز بتكبر… وأنا؟ بافضل ساكت… بس جوايا حرب.

3

4