ثانوية عامة صعبة ومش عارفة أذاكر بضمير

Strawberry_11050 🇪🇬

منذ يومين

شعور متوتر

الحالة صعبة في ثانوية عامة مش ملاحقة ألم حاجا ولا أذاكر حاجة ودنيا بتتراكم وشوامل ودرجات مش حلوة وعارفة أني مقصرة في مذاكرة بس مش عارفة ألاحظ وأذاكر بضمير ولا أي حاجة ومعنديش دافع وعايزة ألم كل حاجة بس بكسل ومش بلحق وأجي اضايق أني مش ضمن المتفوقين ومش عارفة ألاقيلي حل أدعولي أرجوكم مستوايا يتحسن جامد وأجيب فوق 90 في المية ودرجات عالية في شوامل وربنا يوفقني ويوفقكم

جبت اخري في المذاكرة ومش لاقية نتيجة!

انا واحده ثانويه عامة، من الاخر كدا جبت اخري، عارفة ان لسة بدري،عموما انا بدات دروسي ومذاكرتي 7/1 دلوقتي انا في نص شهر عشرة، الوقت ده كلو انا حرفيا بذاكر مذاكرة وبعمل جهد كبير، بحل في اكتر من كتاب، بس بردو، درجاتي وحشة، قلت ادوس اكتر، وعملت جهد اكبر، بقيت اذاكر تقريبا ١١سعات يوميا مع الدروس كمان، اينعم ما انكرش اني اتحسنت بس بردو، انا عملت جهد جبار مفروض انقص درجهاو اتنين مش 10،دي حاجه مخلياني مكتابة، بجد تعبت واتخنقت ومش لاقيه نتيجة، بدعي ربي يوميا في الصلاه انو يوفقني وميسبنش، بس حاسة اني اتخنقت من كدا، كدا حرام بجد، انا عايزة اخد علي قد تعبي وجهدي انا مش بطالب باكتر من كدا ، انا عايزه نتيجه لمجهوديييي، استغفر اللة، احيانا بحس اني هكفر لو شكيت اكتر، بس بجد انا جبت اخري، انا بعدت عن ناس كتيرة في حياتي كنت بحبهم بس قلت عشان افضي للمذاكرة وقت، لبست الخمار في اول يوم دروس ثانويه العامة ووعدت ربنا اني هتحسن، بطلت اسمع اغاني من قبلها كمان، كنت مرتبطه وقلت حرام واراعي ربنا وسبتو وقلت ربنا يعوضني بالخير ولو بيحبني هيستناني وهيجيلي بالحلال، اتكسرت جامد لما سبتو واكتأبت بس بعافر لاجل ربي ولاجلي ولاجل ماما حببتي اللي تعبانه وبتصرف عليا كتير وواثقة فيا اني هرفع راسها،كل مرا بتطلع فلوس تدفعلي درس او تجبلي كتاب انا بنهار من جوه، حرفيا بعيط جوايا، خايفه في الاخر مفرحهاش، خايفة اكسر املها فيا، عندي اتنين اخوات اولاد تعبانينها اوي وجايبنلها مشاكل، كل شوية تحصل مشاكل والناس بتيجي احد ماما و بيديقوها، وانا مبحبش حد يدايق مامتي حببتي، بتجرح لما بشوف المنظر ده، دايما تقولي انها ملهاش غيري، خايفة في الاخر محققلهاش حلمها وحلمي واخلي كل الفلوس اللي دفعتها عشاني تروح في الهواء، بتشتغل فوق الاتناشر ساعة عشان تصرف عليا وعلي اواختي، وتروح البيت مش بترتاح بتنضف وتطبخلنا، حرفيا بشوفها بتصعب عليا، بجد انا خايفة محققلهاش اللي انا وهي بنمتناه، سعات بتمني اموت وادخل الجنه واخلص من الهم ده، للعلم انا مجتهدة مش بتكلم كلام وبس، انا السنه اللي فاتت طلعت المركز ال ٨ علي اامدرسة نقصت ٣ درجات،وانا في مدرسة لغات يعني بعمل جهد جبار، بس السنادي حاسة ان كل مجهودي في الهواء، حرفيا بيجي عليا وقت ببقي بعيط وانا بذاكر من كتير مانا ببقي مش عارفة انا غبيه كدا ليه ومش بفهم بسرعة ليه وااقفل ليه، دايما بدعي ربنا وبقول(اللهم لا تجعل في قلبي ذرة حقد او حسد، اللهم ارزقهم وباركلهم وارزقني خيرا منهم) بس بجد بحسد معظم صحابي انهم بينقصو قليل جدا وبيفهمو اسرع مني باقل مجهود، انا خايفة!!!!! ...عرض المزيد

6 الدعم

19 نصيحة

ثانوية عامة فيها حاجة غير مذاكرة؟ النجدة!

هي ثانوية عامة فيها حاجة غير مذاكرة ؟ بكلم جد ولله أنا نفسي أمارس هوايتي مش لاقيه وقت ياما في درس ياما بذاكر اللي اخدته ياما بحل عليه ياجدعان مفيش وقت انام بلاش عاوزه اراجع اللي اخدته ومش ملاحقة اذاكر اللي عليا لما اراجع القديم أنا بقيت مبعملش حاجة غير إني اذاكر انا بكتب البوست وانا بذاكر نحو أصلا النجدة بجد 😭😭😭😭😭😭 ...عرض المزيد

0 الدعم

4 نصيحة

اختار بسرعة: بلايستيشن ولا مذاكرة ثانوية عامة؟

جماعة يعني اختارو بسرعة مفروض اني ثانوية عامة و ورايا مذاكرة بالكوم حرفيا واتعرض عليا أروح بلايستيشن مع العلم عمري ما دخلته وحلم من أحلامي أصلا أروح الفكرة إن أنا بنت وهيكون هناك ممكن شباب كتير والفكرة هاروح مع إبن أختي فاروح وافكس لدراسة انهارده ولا ألم نفسي واقعد اذاكر 😂😂😂😂 ...عرض المزيد

0 الدعم

6 نصيحة