الجو جميل ورايق.. وقت مولانا المنشاوي وهواياتي

Strawberry_11964 🇪🇬

منذ يومين

شعور خجول

‏الجو بقي جميل ورايق و فيه نسمة هوا حلوة ونضيفة وريحة الشتا ع الأبواب، وقت مناسب جدا للقعدة مع مولانا الشيخ المنشاوي وهو بيقرأ "يا قوم إنما هذه الحياة الدنيا متاع وإن الآخرة هي دار القرار" عامة بدأ وقتي المفضل يبدأ وهطلع من قوقعتي وأمارس هواياتي المفضلة 💘💘💘💘💘💘💘🦆

اعتمادي على نفسي هو اللي برتاح بيه لكن هفضل وحيد

أعظم حاجة بتميزني إني بعتمد على نفسي في كل حاجة في حياتي. في دراستي، ما بعتمدش على حد ولا بطلب المساعدة، دايماً بحاول أوصل لحل بنفسي. أواجه التحديات بصمت وبحل مشاكلي لوحدي. بحكي للناس جزء صغير من اللي بمر بيه، لكن الجزء الأكبر بخليه لنفسي. الاعتماد الكامل على نفسي ده هو الي مخليني عايش مرتاح لكن هفضل وحيد ...عرض المزيد

2 الدعم

2 نصيحة

اكتشفت إن الكلام الوحش ده مش أنا.. ده صوت الاكتئاب

أنا بعترف إني في لحظات ضعفي قلت على نفسي كلام وحش جدًا. فضلت أقول إني فاشل، إني منافق، إني ماليش أي قيمة، وكأني عايش كعبء على كل اللي حواليّ. كنت شايف إني السبب في أي حاجة وحشة بتحصل، ومكنتش قادر أشوف في نفسي أي ميزة أو خير. بس بعد ما هديت شوية وفكرت، اكتشفت إن الكلام ده مش أنا. ده صوت الاكتئاب اللي كان مخليني مش شايف غير السواد. هو اللي كان بيخليني أفتكر كل حاجة سلبية، ويكبرها، ويخليني أصدق إني مش نافع. الحقيقة إني بني آدم عندي ضعف زي أي حد، بس برضه عندي قيمتي وربنا لسه مديّني فرصة أكمّل. اللي لمسني في وقت الأزمة إن الناس اللي كنت فاكرهم ضدي، ظهروا بوش تاني. مديري اللي كنت حاسس إنه بيكرهني، وقف وقت الجد يحاول يهديني وينقذني. وزميلتي اللي ملهاش أي مصلحة معايا، نصحتني أقرأ قرآن وأقرب من ربنا عشان أستمد قوة. المواقف دي خلتني أفوق وأقول: لأ، أنا مش لوحدي، وفي ناس شايفة فيا حاجة أنا مش شايفها. أنا غلطت لما سلمت ودني لأفكاري السودا، بس اتعلمت أفرق بين صوت الاكتئاب وصوتي الحقيقي. وزميلتي اللي وقفت جنبي، بجد بتمنى ليها من قلبي ربنا يرزقها بالزوج الصالح والسعادة. أما مديري، فأنا موافق على أي قرار ياخده تجاهي، سواء إني أكمّل أو أمشي، عشان مؤمن إن اللي بيكتبه ربنا ليا كله خير. ...عرض المزيد

3 الدعم

1 نصيحة