toheal logo

Biscuit_28797 🇪🇬's منشور

Biscuit_28797 🇪🇬

منذ أسبوع واحد

.

شعور Drained

هو التعلق مش قديم ده لسه مستمر و بنفس الشخص هو موجود لسه بس جالي ف وقت كنت حقيقي محتاجة حد معايا و كمان عوضني عن كل اللي ناقصني و حسسني اني كل حاجة و مفيش مني اتنين كان ناقصني الحب ده و الاهتمام ده و اللشغف اللي كان بينا و اللي كان مشجعني ان كل المشاعر متبادلة يعني الاكتفاء من كل ناحية بجد بس واحدة واحدة كل ده بدأ يقل بدأ يبقي من غير نفس بقيت احس نفسي تقيلة عليه مش مرغوب فيا مش بيرفكت ليه بالعكس بدأ يبينلي عيوبي و يحسسني انه ساكت عليا بس عشان "بيحبني " المفروض بس حقيقي مبقتش اصدق و انا مأذية منه حبة بس صراحة بحبه و لسه باقية ع اللي بينا و بقول يمكن أن شاءالله قدام يكون لينا اوقات احلي سوا و بقيت اسكت عشان خايفة اتكلم نتخانق يقوم ماشي و سايبني و انا كل مرة برجعو ف بقول ملوش لزوم النفوس تشيل من بعض مادام هرجع زي كل مرة

8

18


Coffee_51716 🇪🇬

أفضل نصيحة

.

منذ أسبوع واحد

واخيرا أنوي خير وانك تعملي كده ابتغاء رضى ربنا و حبا في نفسك وانك تستاهلي الخير مش الشقاء و وجع القلب وصغري حجمه في عينك ممكن تذكري مساوءه بينك وبين نفسك هتلاقي طبعا حاجات مكنتيش بتحبها بس مغمضه عينك عنها وافتكري لما بيفكرك بعيوبك وازاي ده كان بيوجعك وحبي نفسك أنتِ متستاهليش حد يلعب بيكي ولمشاعرك

11

0

Durian_52455 🇪🇬

.

منذ أسبوع واحد

فيه جملة خطيرة انتى قلتيها وكفيلة بإنها تنهى علاقتكوا سوا "انا كل مرة برجعلو" اللى بيحترمك وبيقدر وجودك ومتفهم شخصيتك بعيوبها مش هيسمح لنفسه إنك ترجعيله فى كل مرة الا اذا كان هو شخص أنانى ومش محتاج لوجودك عارف إن كلامى قاسى بس حقيقى.. مش برسملك خيالات ومش بعيشك فى وهم الحب.. بواجهك بالحقيقة اللى انتى نفسك بتحاولى متصدقيهاش وبتقنعى نفسك انه "يمكن ان شاء الله يكون لينا اوقات احلى"

10

0

Coffee_51716 🇪🇬

.

منذ أسبوع واحد

ممكن احكيلك من خلال تجربتي لأن متشابهين إلي حد كبير انتي بتتأذي جامد منه هو بيتلاعب بيكي نفسيا ضامن وجودك كل مره بترجعي تصالحيه عشان انتِ نيتك خير وعشان أنتِ متعلقه بيه هو فهم كل ده خلاص كويس فعشان كده ضمن وجودك جربي تحطي كلمة "كرامتي " قدامك وامشي ومتستنيش أي حاجه ولا تستني يكلمك ولا ترجعوا ولا تهوني على نفسك بأنه ممكن يبقى احسن انتِ مش بتحبي النسخه الحاليه انتِ بتحبي النسخه اللي عرضهالك في الأول

11

0

Coffee_51716 🇪🇬

.

منذ أسبوع واحد

النسخه اللي حسسيتك بكل اللي حكيتي عليه واللي غطيت الفراغ والنقص اللي عندك (بشكل وهمي و مؤقت) احب اقولك حاجه النسخه دي مش حقيقه دي صوره كلنا بنرسمها في الاول عشان محدش بيقول لحد لسه متعرف عليه أهلا وسهلا بيك انا توكسيك انا عارفه قد ايه صعب جدا انك تمشي انا مجربه وبقولك الاحساس مؤلم بس المؤلم اكتر منه لما لقيت اني هونت واتكسر بخاطري واني متقدرتش زي ما قدرته

11

0

It’s better in the app

Download Toheal on your phone for faster experience.