ليه البنات كلها عند؟ وازاي أتعامل مع الموضوع ده؟

Question

انا ليه دايما بحس ان كل البنات فيها طبع العند حتى لو جينا بصينا على بنت في حياتنا مش شرط زوجة او واحده مُرتبط بيها او خاطبها حتى الامهات حتى الاخوات فيهم طابع العند بطريقه غريبه وبحس ان الحاجات البسيطه ممكن تبقى معقده معاهم لو حد ممكن يفيدنا نتعامل مع الموضوع ده ازاي اكون شاكر جدا

Sugar_33326 🇪🇬 · Accepted Answer

لا لو انت حاولت تفهم اي  اللي مش عاجباها ونحاول نصلحوا او نشوف حاجه ترضينا احنا الاتنين يبان انك مهتم انك تعرف الحاجه اللي هي عايزاها ايه مش بالخناق مش انت هتعملي كده وبالعافيه ما هو يعني ما فيش حاجه بتيجي بالعافيه لو انت اتناقشت في الموضوع هيكون احسن بكتير

Tomato_74700 🇪🇬 · Answer

حاول تبقى مرن شوية يعني لما تعند معاك ف حاجة طاوعها شوية لحد م مخها يلين او بينلها انك موافق على رأيها بس ف نفس الوقت اي رأيك ف الحاجة كذا الي هو خليها هي تحول رأيها 
هو طبع في الناس عادي بس خليك انت فهمان

Avocado_74559 🇪🇬 · Answer

النوع ده من البني ادمين مش شرط ف البنات بس بس ده بنتعامل معاه بطريقه انك تحسسه انه عمل الي عايزه

Cheese_54753 🇪🇬 · Answer

خلاصة الكلام البنات والستات تحب تعمل اللي هي عايزاه بمزاجها عشان عايزة تعمله اول ما تحس انك بتفرض عليها حاجه عشان هي ست وانت راجل او عشان اي سبب بتعند دي الحقيقة اي واحدة تاخدها باللين والحنية هتديك عينيها مش غير ما تطلب ولا عند ولا غيره اي واحدة هتقولها اعملي عشان لازم تعملي او عشان انا قولت او متوجعيش دماغي انا اللي هاخد القرار وانت نفذي او متفكريش او اي حاجه تلغي شخصيتها او رايها بتعند معاك

Strawberry_76047 🇪🇬 · Answer

مش عند علي قد ما هو فرق اسلوب يعني لو لما تقولها يا حبيبتي اعملي كذا عشان خاطري،  غير لما تقولها هتعمل كذا غصب عنك وتتعصب ، كل البنات بتيجي بالحنيه حتي الستات الكبيرة دي صفة مبتختفيش بالسن عموماً .