أوقات كتير بنت تمشي في حالها، ويتقال عليها كلام مش لطيف، أو حد يحاول يعاكسها أو يضايقها، وأول ما الناس يشوفوا الموقف، بدل ما يقولوا “الولد غلط”، يبدأوا يلوموا البنت! يقولوا “أكيد عملت حاجة”، “أكيد لبسها كده”، مع إن ممكن البنت تكون أنضف وأحسن من ألف حد بيحكم عليها من شكلها. ربنا سبحانه وتعالى قال: ﴿قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ﴾ [النور:30] وربنا بدأ بالرجال الأول، لأنهم المسؤولين عن نفسهم وتصرفاتهم قبل أي حد تاني. والنبي ﷺ قال: "استوصوا بالنساء خيرًا" يعني عاملوا البنات بالحسنى والاحترام. فالبنت مش غلطانة لما الولد يغلط، ومش المفروض نبرر غلطه ونلومها. الغلط مش في البنت، الغلط في اللي نسي أدب الدين، ونسِي إن الكلمة ممكن توجع أكتر من أي حاجة تانية.

2

1