بتحرج من ربنا بعد الذنب وخايف ترجعله؟

Question

انا بتحرج اوي من ربنا لما بعمل ذنب بتكسف ارجعله بحس انو مش هيقلبني بقطع ف الصلاه كتير ويبقى محرجه ومكسوفه وانا رجعاله وأحيانا بخاف ارجعله 
ولما ببقى محتاجه بحس اني حد وحش جدا عشان رجعاله عشان محتاجه مش رجعاله من نفسي فاهمني 
ولما برجع اخش علاقات محرمه ببقى مش عارفه اقول ايه لربنا وانا بصلي الموضوع بجد مضايقني احيانا بحس ان كل الافكار دي ف دماغي عشان ربنا مش عايزني ارجعله بحس اني بجحه

Strawberry_58497 🇪🇬 · Accepted Answer

انك تقولي بحسه مش هيسامحني دي من ضمن وسواسات الشيطان للإنسان علشان ما يتوبش.. بس ربنا نفسه قالنا انه غفور رحيم وانه بيحب العبد التائب.. مهما عملتي الذنب توبي حتى لو توبتي مليون مرة توبي بصدق .. لما ربنا بيسترجع صدق توبتك وتقربك ليه هو كمان الدين بيقربلك وربنا يهديكِ يا حبيبي ويرزقك الجنة والقرب إليه وما يحب ويرضى

Coffee_60755 🇪🇬 · Answer

بصي خلينا متفقين على حاجة الأول .. في باب الفروض احنا مينفعش نقصر نهائي لإن التقصير في الفرض ميرضيش ربنا أكتر من أي ذنب تاني مهما كان.

شعورك بالذنب دة لو بيقول حاجة فبيقول إنك شخص كويس فطرته وضميره صاحيين والمطلوب منك بكل بساطة إنك تجددي التوبة حتى لو اتكرر الذنب تاني تفضلي تتوبي مرة واتنين والف ... رحمة ربنا واسعة أوي لدرجة بجد عمرك ما هتتخيليها والعلاقة الخاصة البينك وبينه أصلب من أي حاجة تانية

Marshmallow_60215 🇪🇬 · Answer

أنت أصلا جميلة علشان الموضوع تاعبك وفارق معاك أحسن من حد يقول وايه المشكلة طيب ما كله بيعمل كدا 
ودا ياستى خطة من خطط الشيطان إنه يحسسك إنك متستاهليش حاجة بس لأ أنت لسة الحمد لله عايشة فباب التوبة مفتوح قدامك لسة وبعدين ربنا بيقول ( قل ياعبادى الذين أسرفوا على أنفسهم لا تقنطوا من رحمة الله. إن الله يغفر الذنوب جميعا) شوفتى رحمة ربنا بيغفر كل الذنوب بس الشرط إنك تتوبى وترجعى له.

Corn_57743 🇪🇬 · Answer

ربنا بيغفر لعباده كلهم وطلاما هو الي وفقك انك تفكر بس فالتوبه فهو عايزك تتوب وفكر فيها انا لو عملت حاجه وحشه فحقك الاحسن اجي اعتذرلك ولا اطنشك ع مكسوف اواجهك ولله المثل الاعلي أما بقا الفروض الخمسه دول لو هتموت وعامل ذنوب الدنيا لازم تصليهم

Coffee_60755 🇪🇬 · Answer

+ خليكي واثقة إن ربك عمره ما هيمل منك ... دة بالعكس ربنا بيحب يغفر لعباده الرسول قال( لو لم تذنبوا لذهب الله بكم، وجاء بقوم يذنبون فيستغفرون فيغفر لهم هذا من رحمته وجوده ) ...أنت ابدأي بالنية والتنفيذ ورحمة ربنا فوق أي شئ بالذات مع النية الصادقة .. ربنا يبارك فيكي ويعينك تتغلبي على ذنوبك ويوفقك لكل خير

Marshmallow_60215 🇪🇬 · Answer

إن الله لا يمل حتى تملوا، بعد كل مرة تعملى فيها أى ذنب استغفرى ربنا وتوبى ( أتبع السيئة الحسنة تمحوها) ,( إن الحسنات يذهبن السيئات) بعد أى ذنب اعملى حسنات ولو حتى استغفار 
وفى حلقة جميلة جدا لياسر ممدوح بيتكلم فيها عن الحصون ضد الشيطان مش فاكرة اسمها واسمعى للشيخ محمد الغليظ وحازم شومان
ربنا يتوب عليك ويردك إليه ردا جميلا

Strawberry_61181 🇪🇬 · Answer

بيبقى غصب عني اني بقصر بس بضايق لاني حتى وانا مقصره ف حق ربنا ربنا  بينجدني من حجات كتير

Strawberry_25620 🇪🇬 · Answer

ماشاء الله الناس في الكومنتس ما قصرتش جزاهم الله خيرا.. افتكري انها مجرد وساوس وان ربنا الوحيد اللي بيقبلك بجميع حالاتك مهما عملتي ومهما كنتي ❤️والحاجه الوحيده اللي مبيغفرهاش الشرك بالله ف ارجعي لربك ماتقلقيش هوا دايما مستنيكي ترجعيلو