أكتر قرار عملته في حياتي وطلعت كسبان بيه هو إني أبقى هادي. مكنتش محتاج أثبت لحد إني كويس، ولا كان فارق معايا أشرح أو أقنع أي حد إني بني آدم محترم. أنا عارف نفسي وضميري، فليه أرهق دماغي في جدال أو في محاولات إرضاء الناس؟ بطلت أصلح اللي مش أنا اللي بوظته، وبطلت أدخل معارك مالهاش معنى عشان أظهر إن ليّا قيمة. اللي مش شايف قيمتي من غير ما أصرّخ أو أجادل، مش هيشوفها حتى لو فضلت أوضح طول عمري. اللي الناس بتعمله بيعكس هما مين، مش أنا. لو حد أساء دي طبيعته، ولو حد احترم دي تربيته. أنا ماليش دعوة غير بنفسي وبطريقي. اتعلمت إن السلام الداخلي أهم من أي انتصار في نقاش. اتعلمت إن الحرية الحقيقية إنك تكون راضي عن نفسك حتى لو محدش صفقلك أو قالك برافو. وأي حاجة جاية من عند ربنا هي خير، حتى لو مش فاهم دلوقتي معناها. أنا دلوقتي ماشي في سكتي حرّ، هادي، ومتصالح مع نفسي. مش فارق معايا مين عايز يثبت نفسه على حسابي، ولا مين بيقلل مني عشان يرفع نفسه. أنا مؤمن إن اللي ليا مش هيفوتني، واللي مش بتاعي عمره ما هيجيلي. والحب، والجواز، والشغل الكويس، والفلوس، والصحبة الجدعة… كل ده هييجي في وقته. مفيش حاجة بتتأخر عند ربنا، كله بيتظبط في المعاد الصح. وده مش ضعف… ده أقوى قرار أخدته في حياتي.

3

0