مش كل اللي مكتئب بيعيط ومش كل اللي بيتكلم عن وجعه فعلاً موجوع فيه نوع تاني من الاكتئاب… أهدى، أهدى بكتير بس أخطر. تلاقيه ساكت أغلب الوقت نظراته تايهة مافيش طاقة حتى يزعل ولا يفرح ولا يعترض. الناس تشوفه تقول: "ده طبيعي… بس شكله سرحان" بس الحقيقة؟ هو مش سرحان هو واقع من جوّه بس بيحاول يقوم بشياكة. اللي مكتئب مش لازم يبقى نايم في السرير ممكن تلاقيه في الشغل في الكلية بيضحك على هزار، وبيرد على الرسائل بس أول ما يقفل الباب على نفسه… يسكت، وينام من كتر التعب اللي ماله صوت. اوعى تستهين بواحد ساكت على طول وأوعى تقول لحد "شد حيلك" وانت مش شايف هو شايل إيه أصلاً. فيه ناس بتنهار بصمت وبتعيش يومها بآلية وبتحاول تتماسك، مش عشان تمام… بس عشان مفيش خيار تاني.

3

3